പരിശീലനപ്പറക്കലിനിടെ മിഗ് 21 യുദ്ധവിമാനം തകർന്നുവീണു; പൈലറ്റ് ഇജക്ട് ചെയ്തു

ന്യൂഡൽഹി∙ വ്യോമസേനയുടെ മിഗ് 21 ബൈസൺ യുദ്ധവിമാനം രാജസ്ഥാനിലെ ബാമറിൽ തകർന്നുവീണു. പതിവ് പരിശീലനപ്പറക്കലിനിടെയാണ് അപകടം. പൈലറ്റ് സുരക്ഷിതനായി ഇജക്ട് ചെയ്തു പുറത്തുകടന്നെന്ന് പ്രതിരോധ വക്താവ് അറിയിച്ചു.

സദർ പൊലീസ് സ്റ്റേഷൻ പരിധിയിലുള്ള ഭുർത്തിയ ഗ്രാമത്തിന് സമീപമാണു സംഭവം നടന്നതെന്ന് ബാമർ പൊലീസ് മേധാവി ആനന്ദ് ശർമ പറഞ്ഞു. ആർക്കും അപകടമില്ല. പൊലീസ് സ്ഥലത്തെത്തിയതായും അദ്ദേഹം അറിയിച്ചു. സാങ്കേതിക തകരാറാണ് അപകടകാരണമെന്നാണ് പ്രാഥമിക നിഗമനം. സംഭവത്തിൽ അന്വേഷണം ആരംഭിച്ചു.

English Summary: MiG 21 aircraft crashes in Barmer, pilot ejects