കണ്ണൂരിൽ വീട്ടുമുറ്റത്ത് നിർത്തിയിട്ട ഓട്ടോറിക്ഷ അജ്ഞാതർ തീവച്ച് നശിപ്പിച്ചു

കണ്ണൂർ ∙ ചെറുകുന്ന്താഴം പള്ളിക്കരയിൽ വീട്ടുമുറ്റത്ത് നിർത്തിയിട്ട ഓട്ടോറിക്ഷ അജ്ഞാതർ തീവച്ച് നശിപ്പിച്ചു. പള്ളിക്കരയിലെ ടി.പി. ജാസിറിന്റെ ഉടമസ്ഥതയിലുള്ള ഓട്ടോറിക്ഷയാണ് കത്തിച്ചത്. ഇന്ന് പുലർച്ച 1.15 ഓടെയാണ് വാഹനം കത്തുന്നത് വീട്ടുകാരുടെ ശ്രദ്ധയിൽപ്പെട്ടത്. ഓട്ടോറിക്ഷ പൂർണ്ണമായും കത്തി നശിച്ചു. 

വീട്ടുമുറ്റത്ത് കെട്ടിയ ടാർപോളിൻ ഷീറ്റും കത്തിനശിച്ചു. വീടിന്റെ മുൻഭാഗത്ത് തീ പടർന്നതിനേത്തുടർന്ന് പൂർണമായും കരിപിടിച്ച അവസ്ഥയിലാണ്. ശബ്ദം കേട്ട് ഉണർന്ന വീട്ടുകാർ തീ അണച്ചതിനാൽ വൻ ദുരന്തം ഒഴിവായി. സംഭവത്തെക്കുറിച്ച് കണ്ണപുരം പൊലീസ് അന്വേഷണം ആരംഭിച്ചു.