കെഎംസിസി വോട്ട് വിമാനത്തിൽ നാട്ടിലെത്തിച്ചവരെ അണിനിരത്തി മലപ്പുറത്ത് റാലി

കോഴിക്കോട് ∙ കഴിഞ്ഞ ദിവസങ്ങളിലായി കെഎംസിസി വോട്ട് വിമാനത്തിൽ നാട്ടിലെത്തിച്ചവരെ അണിനിരത്തി മലപ്പുറത്ത് ജിദ്ദ കെഎംസിസി സെൻട്രൽ കമ്മിറ്റി പ്രവാസി റാലി നടത്തി. ഇന്ത്യ ജയിക്കണം മതേതരത്വം വീണ്ടെടുക്കണം എന്ന പ്രമേയം മുൻനിർത്തി ഒന്നര മാസമായി ജിദ്ദ കെഎംസിസി ക്യാംപെയ്‌ൻ നടത്തുന്നുണ്ട്.

വോട്ടർമാരെ നാട്ടിലെത്തിക്കാൻ ജിദ്ദ രാജ്യാന്തര വിമാനത്താവളത്തിൽനിന്ന് കരിപ്പൂർ വിമാനത്താവളത്തിലേക്ക്  കെഎംസിസി ‘വോട്ട് വിമാന’ സർവീസ് ഏർപ്പാടാക്കി.  മുസ്‌ലിം ലീഗ് മലപ്പുറം ജില്ലാ പ്രസിഡൻ്റ് പാണക്കാട് സയ്യിദ് അബ്ബാസലി ശിഹാബ് തങ്ങൾ റാലി ഉദ്ഘാടനം ചെയ്തു.