കുമാരനെല്ലൂരിൽ ട്രാക്കിൽ അറ്റകുറ്റപ്പണി: എറണാകുളം – കോട്ടയം റൂട്ടിൽ ട്രെയിനുകൾ വൈകി

കോട്ടയം∙ കുമാരനെല്ലൂരിൽ റെയിൽവേ ട്രാക്കിൽ അറ്റകുറ്റപ്പണി നടക്കുന്നതിനാൽ എറണാകുളം – കോട്ടയം റൂട്ടിൽ ട്രെയിനുകൾ വൈകിയോടുന്നു. നീലമംഗലം പഴയപാലത്തിന്റെ ഗർഡറിന്റെ അറ്റകുറ്റപ്പണികൾ രാവിലെ 5.30ന് തീരേണ്ടതായിരുന്നു. എന്നാൽ ഇത് 6.55നാണ് അവസാനിച്ചത്. അഞ്ചര വരെയുള്ള വണ്ടികൾക്കാണ് റെയിൽവേ വൈകുമെന്ന അറിയിപ്പ് നൽകിയിരുന്നത്. 

അറ്റകുറ്റപ്പണി ഒരു മണിക്കൂർ വൈകിയതിനാൽ മുഴുവൻ ലൈനും വൈകി. പിന്നീടെത്തിയ ട്രെയിനുകൾ പലയിടങ്ങളിലായി പിടിച്ചിട്ടു. ഇതാണ് വൈകിയോടാൻ കാരണം. ഇപ്പോൾ ട്രെയിനുകൾ കടത്തിവിട്ടുതുടങ്ങി.