ഓണത്തിന്‌ വീട്ടിലുണ്ടാക്കാം, നാവില്‍ രുചിയുടെ ഉത്സവമേളമൊരുക്കുന്ന ഇഞ്ചിക്കറി!
ജാപ്പനീസ് വിഭവമാണെങ്കിലും ലോകം മുഴുവന്‍ ആരാധകരുള്ള ഒരു വിഭവമാണ് സുഷി. പ്രത്യേകതരം അരിയും പച്ചക്കറികളും സോസും മത്സ്യവുമെല്ലാം ചേര്‍ത്ത് ഉണ്ടാക്കുന്ന ഈ വിഭവം വിളമ്പുന്ന ഒട്ടേറെ റസ്റ്റോറന്‍റുകള്‍ ഇന്ത്യയിലുണ്ട്. പൊതുവേ അല്‍പ്പം കൈപൊള്ളുന്ന വിലയാണെങ്കിലും ഈയിടെ ഒസാക്കയിലെ ഒരു റസ്റ്റോറന്‍റില്‍
ജാപ്പനീസ് വിഭവമാണെങ്കിലും ലോകം മുഴുവന്‍ ആരാധകരുള്ള ഒരു വിഭവമാണ് സുഷി. പ്രത്യേകതരം അരിയും പച്ചക്കറികളും സോസും മത്സ്യവുമെല്ലാം ചേര്‍ത്ത് ഉണ്ടാക്കുന്ന ഈ വിഭവം വിളമ്പുന്ന ഒട്ടേറെ റസ്റ്റോറന്‍റുകള്‍ ഇന്ത്യയിലുണ്ട്. പൊതുവേ അല്‍പ്പം കൈപൊള്ളുന്ന വിലയാണെങ്കിലും ഈയിടെ ഒസാക്കയിലെ ഒരു റസ്റ്റോറന്‍റില്‍
ജാപ്പനീസ് വിഭവമാണെങ്കിലും ലോകം മുഴുവന്‍ ആരാധകരുള്ള ഒരു വിഭവമാണ് സുഷി. പ്രത്യേകതരം അരിയും പച്ചക്കറികളും സോസും മത്സ്യവുമെല്ലാം ചേര്‍ത്ത് ഉണ്ടാക്കുന്ന ഈ വിഭവം വിളമ്പുന്ന ഒട്ടേറെ റസ്റ്റോറന്‍റുകള്‍ ഇന്ത്യയിലുണ്ട്. പൊതുവേ അല്‍പ്പം കൈപൊള്ളുന്ന വിലയാണെങ്കിലും ഈയിടെ ഒസാക്കയിലെ ഒരു റസ്റ്റോറന്‍റില്‍
മധുരവും എരിവും പുളിയും ഉപ്പുമെല്ലാം പാകത്തിന് ചേര്‍ത്ത്, ഇഞ്ചിയുടെ ഹൃദ്യമായ സുഗന്ധം പരത്തുന്ന രസികന്‍ ഇഞ്ചിക്കറി ഉണ്ടാക്കിയാലോ?
ചേരുവകൾ
ഇഞ്ചി - 200 ഗ്രാം
ചെറിയ ഉള്ളി - 10 ( ഇടത്തരം വലിപ്പം )
പച്ചമുളക് - 3
കറിവേപ്പില - ആവശ്യത്തിന്
പുളി - ഒരു വലിയ നാരങ്ങയുടെ വലിപ്പം ( 40 ഗ്രാം ) വെളിച്ചെണ്ണ - ആവശ്യത്തിന്
കടുക് - 1 ടീസ്പൂണ്‍
മുളക്പൊടി - 1 1/2 ടേബിൾസ്പൂൺ
മല്ലിപ്പൊടി - 1/2 ടീസ്പൂൺ
വറുത്ത ഉലുവ പൊടി - 1/4 ടീസ്പൂൺ
കായം പൊടി - 1/4 ടീസ്പൂൺ
മഞ്ഞൾ പൊടി - 2 നുള്ള്
ചൂടുവെള്ളം - 1 കപ്പ്
ഉപ്പ് - ആവശ്യത്തിന്
ശർക്കര - 3 1/2 ടീസ്പൂൺ
ഉണ്ടാക്കുന്ന വിധം
*ഇഞ്ചി, ചെറിയ ഉള്ളി, പച്ചമുളക് എന്നിവ കനം കുറച്ച് വട്ടത്തില്‍ അരിയുക
*പുളി അര കപ്പ് വെള്ളത്തില്‍ നന്നായി പിഴിഞ്ഞ് മാറ്റി വയ്ക്കുക.
*ഒരു കടായി എടുത്ത് അടുപ്പത്ത് വയ്ക്കുക. വെളിച്ചെണ്ണ ഒഴിച്ച്, ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ നന്നായി ഫ്രൈ ചെയ്തെടുക്കുക. ബ്രൗണ്‍ നിറം വരുമ്പോള്‍ കരിഞ്ഞുപോകാതെ കോരിയെടുക്കണം.
*ഫ്രൈ ചെയ്തെടുത്ത ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ മിക്സിയിലിട്ട് പൊടിക്കുക. തരി തരിയായി വേണം പൊടിച്ചെടുക്കാന്‍.
*ഫ്രൈ ചെയ്ത് ബാക്കി വന്ന വെളിച്ചെണ്ണയില്‍ നിന്നും അല്‍പ്പമെടുത്ത് കടായിയില്‍ ഒഴിച്ച് കടുക് പൊട്ടിക്കുക, ഇതിലേക്ക് കറിവേപ്പില ഇടുക. കുറഞ്ഞ തീ ഉപയോഗിക്കാന്‍ ശ്രദ്ധിക്കുക.
*തീ ഓഫ് ചെയ്ത ശേഷം, മുളകുപൊടി, മഞ്ഞള്‍പ്പൊടി, മല്ലിപ്പൊടി, കായപ്പൊടി, ഉലുവ പൊടി എന്നിവ ഇടുക. തീ ഏറ്റവും ചെറുതായി ഓണ്‍ ആക്കി, പച്ച മണം മാറുന്നത് വരെ ഒരു മിനിറ്റ് വഴറ്റുക.
*ഇതിലേക്ക് പിഴിഞ്ഞ പുളിവെള്ളം ഒഴിക്കുക.
*ഒരു കപ്പ് ചൂടുവെള്ളം കൂടി ചേര്‍ത്ത് ആവശ്യത്തിനുള്ള ഉപ്പ് ഇടുക. പുളി അല്‍പ്പം മുന്നിട്ടു നില്‍ക്കണം.
*തീ കൂട്ടി നന്നായി തിളപ്പിക്കുക. ഇതിലേക്ക് നേരത്തെ പൊടിച്ചുവെച്ച കൂട്ട് ചേര്‍ക്കുക. തീ മീഡിയം ഫ്ലെയിമില്‍ ഇടുക.
*ഇതിലേക്ക് ശര്‍ക്കര ചേര്‍ത്ത് നന്നായി ഇളക്കുക.
*ചെറുതായി കുറുകിതുടങ്ങുമ്പോള്‍ തീ ഓഫ് ചെയ്യുക. ഇഞ്ചിക്കറി റെഡി!
English Summary: Ginger curry Recipes