പാക്കറ്റ് പാല്‍ തിളപ്പിക്കേണ്ട ആവശ്യമുണ്ടോ, അതോ നേരിട്ട് ഉപയോഗിക്കാമോ?
പാലും പാലുല്‍പ്പന്നങ്ങളുമില്ലാത്ത ഒരു ദിവസം പോലും നമ്മുടെ വീടുകളില്‍ ഉണ്ടാവില്ല. നാടന്‍ പശുവിന്‍റെ പാല്‍ എല്ലായിടത്തും കിട്ടണമെന്നില്ല, അതിനാല്‍ പല വീടുകളിലും പാക്കറ്റ് പാല്‍ ആണ് ഉപയോഗിക്കുന്നത്. ഈ പാല്‍ എല്ലാവരും തന്നെ വാങ്ങിച്ച ശേഷം തിളപ്പിക്കാറുമുണ്ട്. എന്നാല്‍, പാക്കറ്റ് പാല്‍ ഇങ്ങനെ
പാലും പാലുല്‍പ്പന്നങ്ങളുമില്ലാത്ത ഒരു ദിവസം പോലും നമ്മുടെ വീടുകളില്‍ ഉണ്ടാവില്ല. നാടന്‍ പശുവിന്‍റെ പാല്‍ എല്ലായിടത്തും കിട്ടണമെന്നില്ല, അതിനാല്‍ പല വീടുകളിലും പാക്കറ്റ് പാല്‍ ആണ് ഉപയോഗിക്കുന്നത്. ഈ പാല്‍ എല്ലാവരും തന്നെ വാങ്ങിച്ച ശേഷം തിളപ്പിക്കാറുമുണ്ട്. എന്നാല്‍, പാക്കറ്റ് പാല്‍ ഇങ്ങനെ
പാലും പാലുല്‍പ്പന്നങ്ങളുമില്ലാത്ത ഒരു ദിവസം പോലും നമ്മുടെ വീടുകളില്‍ ഉണ്ടാവില്ല. നാടന്‍ പശുവിന്‍റെ പാല്‍ എല്ലായിടത്തും കിട്ടണമെന്നില്ല, അതിനാല്‍ പല വീടുകളിലും പാക്കറ്റ് പാല്‍ ആണ് ഉപയോഗിക്കുന്നത്. ഈ പാല്‍ എല്ലാവരും തന്നെ വാങ്ങിച്ച ശേഷം തിളപ്പിക്കാറുമുണ്ട്. എന്നാല്‍, പാക്കറ്റ് പാല്‍ ഇങ്ങനെ
പാലും പാലുല്‍പ്പന്നങ്ങളുമില്ലാത്ത ഒരു ദിവസം പോലും നമ്മുടെ വീടുകളില്‍ ഉണ്ടാവില്ല. നാടന്‍ പശുവിന്‍റെ പാല്‍ എല്ലായിടത്തും കിട്ടണമെന്നില്ല, അതിനാല്‍ പല വീടുകളിലും പാക്കറ്റ് പാല്‍ ആണ് ഉപയോഗിക്കുന്നത്. ഈ പാല്‍ എല്ലാവരും തന്നെ വാങ്ങിച്ച ശേഷം തിളപ്പിക്കാറുമുണ്ട്. എന്നാല്‍, പാക്കറ്റ് പാല്‍ ഇങ്ങനെ തിളപ്പിക്കേണ്ട ആവശ്യം ഉണ്ടോ? പലര്‍ക്കുമുള്ള ഒരു സംശയമാണ് ഇത്.
ഏവിയൻ ഫ്ലൂ വൈറസ്, മൈകോബാക്ടീരിയ, ഇ.കോളി, കോക്സിയെല്ല, ലിസ്റ്റീരിയ, കാംപിലോബാക്റ്റർ എന്നിവയുൾപ്പെടെയുള്ള അപകടകാരികളായ ബാക്ടീരിയകളെയും വൈറസുകളെയും നശിപ്പിക്കാൻ ഒരു നിശ്ചിത സമയത്തേക്ക് ഉയർന്ന താപനിലയിൽ പാൽ ചൂടാക്കുന്ന പ്രക്രിയയാണ് പാസ്ചറൈസേഷൻ. പാക്കേജ് ചെയ്ത പാൽ ആദ്യമേ തന്നെ പാസ്ചറൈസ് ചെയ്തതാണ്, ദോഷകരമായ ബാക്ടീരിയകളെ നശിപ്പിക്കാനും പാലിന്റെ ആയുസ് വർദ്ധിപ്പിക്കാനും ഈ പ്രക്രിയ സഹായിക്കുന്നു. അതിനാല്‍ ശരിയായി സംഭരിച്ച് പാക്ക് ചെയ്ത പാസ്ചറൈസ് ചെയ്ത പാൽ, തിളപ്പിക്കാതെ നേരിട്ട് കഴിക്കുന്നത് പൊതുവെ സുരക്ഷിതമാണ്.
എന്നാല്‍, പാസ്ചറൈസ് ചെയ്ത പാൽ ശരിയായ താപനിലയിൽ സംഭരിക്കുന്നില്ല എങ്കില്‍, നന്നായി തിളപ്പിച്ച്‌ തന്നെ ഉപയോഗിക്കണം. ഇങ്ങനെ ചെയ്യുമ്പോള്‍, ദോഷകരമായ ബാക്ടീരിയകളെ നശിപ്പിക്കുന്നതിനു പുറമേ, മറ്റൊരു ഗുണമുണ്ട്. തിളപ്പിച്ച പാലിൽ ലോംഗ് ചെയിൻ ഫാറ്റി ആസിഡുകളേക്കാൾ കൂടുതൽ മീഡിയം, ഷോര്‍ട്ട് ചെയിൻ ഫാറ്റി ആസിഡുകൾ അടങ്ങിയിട്ടുണ്ട്. പ്രോട്ടീൻ അലർജിയോ ലാക്ടോസ് അസഹിഷ്ണുതയോ കാരണം പാൽ ദഹിപ്പിക്കാൻ ബുദ്ധിമുട്ടുള്ള ആളുകള്‍ക്ക് ഇത് സഹായകമാണ്.
എന്നാല്‍, പാസ്ചറൈസ് ചെയ്ത പാൽ 100 ഡിഗ്രി സെൽഷ്യസിനു മുകളിലുള്ള താപനിലയിൽ 10 മിനിറ്റിലധികം തിളപ്പിക്കുമ്പോൾ, വിറ്റാമിൻ ബി 2, ബി 3, ബി 6, ഫോളിക് ആസിഡ് എന്നിവയുൾപ്പെടെ പല വിറ്റാമിനുകളുടെയും ധാതുക്കളുടെയും അളവ് കുറയുമെന്ന് പരിശോധനകൾ തെളിയിച്ചിട്ടുണ്ട്. കൂടുതല്‍ നേരം തിളപ്പിക്കുമ്പോള്‍, വിറ്റാമിൻ ഡിയുടെ അളവും കുറയും. ഇത് കാൽസ്യം ആഗിരണം ചെയ്യുന്നത് കുറയാൻ ഇടയാക്കും. അതിനാല്‍, പാൽ എപ്പോഴും ഇടത്തരം തീയിൽ 4-5 മിനിറ്റിനുള്ളിൽ ചൂടാക്കി എടുക്കണം. പാലിലെ അവശ്യ പോഷകങ്ങൾ നഷ്ടപ്പെടുന്നില്ല എന്ന് ഇത് ഉറപ്പാക്കും.
പാല്‍ തിളച്ചു തൂവാതെ നോക്കാം
പാല്‍ പുറത്തേക്ക് തിളച്ചുതൂവാതിരിക്കാന്‍ ആദ്യം ചെയ്യേണ്ട കാര്യം അത്യാവശ്യം വലുപ്പമുള്ള പാത്രം തിരഞ്ഞെടുക്കുക എന്നതാണ്. അങ്ങനെ, ചൂടാക്കുമ്പോൾ പാലിന് വികസിക്കാൻ ധാരാളം ഇടം ലഭിക്കുകയും പുറത്തേക്ക് ഒഴുകുന്നത് തടയുകയും ചെയ്യും.കനമുള്ള അടിഭാഗത്തോട് കൂടിയ പാത്രം തിരഞ്ഞെടുക്കുക.
പാത്രത്തിന്‍റെ കട്ടിയുള്ള അടിഭാഗം ചൂട് തുല്യമായി വിതരണം ചെയ്യുകയും പാല്‍ പെട്ടെന്ന് തിളച്ചു തൂവിപ്പോകാതിരിക്കാന്‍ സഹായിക്കും.
മരം കൊണ്ടുള്ള തവി
പാല്‍ കവിഞ്ഞൊഴുകാതിരിക്കാനുള്ള മറ്റൊരു ട്രിക്ക്, പാത്രത്തിനു കുറുകെ മരം കൊണ്ടുള്ള തവി വയ്ക്കുക എന്നതാണ്. ഓരോ തവണ പാല്‍ തിളച്ച് മുകളിലേക്ക് വരുമ്പോഴും, അത് ഈ തവിയില്‍ തട്ടി താഴേയ്ക്ക് തന്നെ തിരിച്ചു പൊയ്ക്കോളും. നുള്ള് ഉപ്പ് ചേർക്കുക. പാലിൽ ഒരു ചെറിയ നുള്ള് ഉപ്പ് ചേർക്കുന്നത് തിളച്ചുതൂവാതിരിക്കാന്‍ വളരെ ഫലപ്രദമാണ്. എന്നാല്‍ അധികം ചേര്‍ക്കാതിരിക്കുക.
ഹീറ്റ് ഡിഫ്യൂസർ ഉപയോഗിക്കുക: ഗ്യാസ് സ്റ്റൗ ഉപയോഗിക്കുന്നവര്‍ക്ക് ഹീറ്റ് ഡിഫ്യൂസർ ഉപയോഗിക്കാം. ഇത് ചൂട് തുല്യമായി വിതരണം ചെയ്യുകയും, പെട്ടെന്നുള്ള തിളച്ചുതൂവല്‍ ഒഴിവാക്കുകയും ചെയ്യുന്നു.
ഒരിക്കലും ശ്രദ്ധിക്കാതെ വിടരുത്:എന്തൊക്കെ പൊടിക്കൈകള്‍ പരീക്ഷിച്ചാലും, പാല്‍ അടുപ്പത്ത് വച്ച ശേഷം അടുക്കളയില്‍ നിന്നും ഒരിക്കലും പുറത്തേക്ക് പോകരുത്. തീ ഇടയ്ക്ക് കൂട്ടുകയും കുറയ്ക്കുകയും ചെയ്യേണ്ടതിനാല്‍, പുറത്ത് പോയി വരുമ്പോഴേക്കും പാല്‍ മുഴുവനും തിളച്ചു തൂവി പോകാനുള്ള സാധ്യത വളരെയധികമാണ്.