ചൂടുവെള്ളത്തിൽ തേൻ ചേര്‍ത്ത് കഴിക്കാറുണ്ടോ? ഈ കോമ്പിനേഷനുകള്‍ ശ്രദ്ധിക്കണം

പലരും ശരീരഭാരം കുറയ്ക്കുന്നതിനായി ഉപയോഗിക്കാറുള്ള ഒന്നാണ് തേൻ. കൂടാതെ അണുബാധകളിൽ നിന്ന് രക്ഷനേടാൻ നിരവധി ആയുർവേദ വീട്ടുവൈദ്യങ്ങളിലും തേൻ ചേർക്കാറുണ്ട്. എന്നാൽ തേൻ പലതിന്റെയും കൂടെ ചേർത്ത് കഴിക്കുന്നത് അത്ര നല്ലതല്ല. ചില കോമ്പിനേഷനുകളെ അറിയാം. 

നോൺ വെജിറ്റേറിയൻ

മാംസാഹാരങ്ങൾക്കൊപ്പം തേൻ ഒരിക്കലും കഴിക്കരുത്, പ്രത്യേകിച്ച് മത്സ്യം, മാംസം എന്നിവയോടൊപ്പം. ഇവ കഴിക്കുന്നതിന് ഒരു മണിക്കൂർ മുമ്പും ഒരു മണിക്കൂർ ശേഷവും തേൻ കഴിക്കരുത്. മാംസാഹാരത്തിനൊപ്പം തേൻ കഴിക്കുന്നത് വയറുമായി ബന്ധപ്പെട്ട പ്രശ്നങ്ങൾക്ക് കാരണമാകും.

നെയ്യും തേനും 

തേൻ ഒരിക്കലും നെയ്യ് ചേർത്തു കഴിക്കാൻ പാടില്ല. കാരണം, നെയ്യുടെയും തേനിന്റെയും പോഷകങ്ങൾ പരസ്‌പരം വ്യത്യാസപ്പെട്ടിരിക്കുന്നതിനാൽ ഇവ രണ്ടും ഒരുമിച്ച് കഴിക്കുന്നത് വയറുവേദനയും തലവേദനയും ഉണ്ടാക്കുമെന്ന് പറയപ്പെടുന്നു. 

പഞ്ചസാര 

പഞ്ചസാര ചേർത്ത് തേൻ കഴിക്കുന്നത് വിഷം പോലെയാണെന്ന് പറയപ്പെടുന്നു. അതുകൊണ്ട് ഒരിക്കലും പഞ്ചസാരയുമായി തേൻ കലർത്തരുത്. അതുപോലെ നിങ്ങൾ തേൻ കഴിച്ചു കഴിഞ്ഞാൽ ഒരു മണിക്കൂറെങ്കിലും കഴിഞ്ഞു മാത്രമേ പഞ്ചസാര കഴിക്കാവൂ.  

ചൂടുവെള്ളം

ഒരിക്കലും തേൻ ചൂടുകൂടിയ വെള്ളത്തിൽ ചേർക്കരുത്. തേൻ ചൂടാക്കുകയോ ചായ, പാൽ അല്ലെങ്കിൽ വെള്ളം പോലുള്ള ചൂടുള്ളതോ ചൂടുള്ളതോ ആയ ദ്രാവകങ്ങൾക്കൊപ്പം കഴിക്കരുതെന്നാണ് ആയുർവേദ രീതികൾ നിർദ്ദേശിക്കുന്നത്. ചൂടാക്കിയ തേൻ നമ്മുടെ ശരീരത്തിൽ വിഷാംശം വർധിപ്പിച്ച് അസുഖങ്ങൾക്ക് കാരണമാകുമെന്നാണ് കണ്ടെത്തൽ. എന്നാൽ ചെറുചൂടുള്ള വെള്ളവും തേനും ഉപയോഗിച്ച് ദിവസം ആരംഭിക്കുന്നത് ശരീരഭാരം കുറയ്ക്കാനും ദഹനം മെച്ചപ്പെടുത്താനും ജലദോഷത്തെ അകറ്റാനും അലർജികളിൽ നിന്ന് നമ്മെ സംരക്ഷിക്കാനും സഹായിക്കുമെന്ന് പലപ്പോഴും പറയാറുണ്ട്. ഇത് നമ്മുടെ രോഗപ്രതിരോധ സംവിധാനത്തെ ശക്തിപ്പെടുത്തുകയും ചെയ്യുന്നു.

തേനും പാലും

ആയുർവേദം അനുസരിച്ച്, ചൂടുള്ള പാലിൽ തേൻ ചേർക്കുന്നത് വിഷാംശം ഉണ്ടാക്കുമെന്ന് പറയപ്പെടുന്നു.