വീട്ടുമുറ്റത്തും പറമ്പിലും യഥേഷ്ടം വളരുന്ന ചേനത്തണ്ടിനൊപ്പം ചെറുപയർ ചേർത്തൊരു തോരൻ.
ചേനത്തണ്ട് – ചെറുതായി അരിഞ്ഞ് ഉപ്പ് ചേർത്ത് യോജിപ്പിച്ചത്
ചെറുപയർ – 1 കപ്പ് തിളപ്പിച്ചത്
തേങ്ങാചിരകിയത് – അര മുറി
Click here to read this recipe in English
പച്ചമുളക് – 2
ജീരകം – അര ടീസ്പൂൺ പൊടിച്ചത്
വെളുത്തുള്ളി – 2 അല്ലി
മഞ്ഞൾപൊടി – കാൽ ടീസ്പൂൺ
എണ്ണ – 2 ടേബിൾ സ്പൂൺ
കടുക് – 1 ടേബിൾ സ്പൂൺ
വറ്റൽ മുളക് – 2
ചെറിയ ഉള്ളി – 5
ഉപ്പ് – ആവശ്യത്തിന്
പാകം ചെയ്യുന്ന വിധം
∙തേങ്ങചിരകിയത്, പച്ചമുളക്, ജീരകം, മഞ്ഞൾപ്പൊടി വെളുത്തുള്ളി അല്ലി എന്നിവ ഒരു മിക്സിയിൽ നന്നായി അരച്ചെടുക്കുക.
∙ പാനിൽ എണ്ണയൊഴിച്ച് കടുക് പൊട്ടിച്ച് കറിവേപ്പിലയും വറ്റൽമുളകും ഇടാം. ഇതിലേക്ക് അരച്ചു വച്ചിരിക്കുന്ന അരപ്പ് ചേർത്ത് നന്നായി യോജിപ്പിക്കാം.
∙അതേസമയം അരിഞ്ഞുവച്ചിരിക്കുന്ന ചേനത്തണ്ട് വെള്ളം നന്നായി പിഴിഞ്ഞെടുത്ത് പാനിലേക്ക് അരപ്പിന്റെ കൂടെ ചേർക്കാം. തിളപ്പിച്ചുവച്ചിരിക്കുന്ന ചെറുപയറും ചേർത്ത് നന്നായി യോജിപ്പിച്ച് വേവിച്ചെടുക്കാം.
