ഒരു ആഴ്ചത്തേക്കുള്ള ബ്രേക്ക്ഫാസ്റ്റ് വെറും 10 മിനിറ്റിൽ തയാറാക്കി വയ്ക്കാം!

പെട്ടെന്ന് പാചകം തീർക്കാൻ ആഗ്രഹിക്കുന്നവർക്ക് ഒരു സൂപ്പർ ബ്രേക്ക്ഫാസ്റ്റ് ടിപ്. ആഴ്ചയിൽ ഒരു ദിവസം വെറും 10  മിനിറ്റ് കുക്ക് ചെയ്താൽ ഈ ബ്രേക്ക് ഫാസ്റ്റ് വിഭവം തയാറാക്കാം. എത്രനാൾ വേണമെങ്കിലും കേടുകൂടാതെ ഇരിക്കും. ബാച്ച്​ലേഴ്സിനും ജോലിക്കാർക്കും  ഇതിലും എളുപ്പത്തിൽ തയാറാക്കാവുന്ന ഒരു ബ്രേക്ക്ഫാസ്റ്റ് ഉണ്ടോ എന്ന് സംശയമാണ്.

ചേരുവകൾ 

• മുഴുവനോടെയുള്ള ഓട്ട്സ് - 1 കപ്പ്
• നട്​സ് - 1/ 2 കപ്പ് 
• ഡ്രൈ ഫ്രൂട്ട്സ് - 1/2 കപ്പ് 
• സീഡ്‌സ് - 1/2 കപ്പ് 

തയാറാക്കുന്ന വിധം 

• ചുവടു കട്ടിയുള്ള പാൻ അടുപ്പിൽ വെച്ച് ഒരു ഇടത്തരം തീയിൽ ഓട്ട്സ് പച്ചമണം മാറുന്നതുവരെ വറുത്തെടുക്കുക .
  
• അതിനു ശേഷം നട്ട്സ് ചെറുതായി വറുത്തെടുക്കുക.
• ഏതു നട്ട്സ് വേണമെങ്കിലും എടുക്കാവുന്നതാണ്.
• സീഡ്‌സ് അതുപോലെ തന്നെ വറുത്തെടുക്കുക.
• ഇവിടെ മത്തക്കുരുവും എള്ളുമാണ് എടുത്തത്.
• ഇനി ഒരു വലിയ പാത്രം എടുത്തു ഇത് എല്ലാം കൂടി മിക്‌സ് ചെയുക. ഡ്രൈ ഫ്രൂട്ട്സ് കൂടി ചേർത്ത് യോജിപ്പിക്കുക. വായു കടക്കാത്ത പാത്രത്തിൽ അടച്ചു വയ്ക്കാം. എത്ര നാൾ വേണമെങ്കിലും സൂക്ഷിക്കാം. ആവശ്യമുള്ളപ്പോൾ എടുത്തു പാലു ചേർത്ത് കഴിക്കാം.