പ്രാതലിന് തയാറാക്കാം രുചികരമായ മോരപ്പം

ദോശ ഇഡ്ലി തുടങ്ങിയ പ്രാതൽ വിഭവങ്ങൾ അവർത്തിക്കപ്പെടുമ്പോൾ മടുപ്പ് അനുഭവപ്പെടും. വൈവിധ്യമാർന്ന വളരെ എളുപ്പത്തിൽ ഉണ്ടാക്കി എടുക്കാവുന്ന ഒരു ബ്രേക്ഫാസ്റ്റ് ഐറ്റം ആണ് " കുഴി പണിയാരം ", ഉണ്ടയപ്പം, മോരപ്പം എന്നൊക്കെ അറിയപ്പെടുന്നൊരു വിഭവമാണിത്.

ചേരുവകൾ

• പച്ചരി - 2 ഗ്ലാസ് 
• ഉഴുന്ന് പരിപ്പ് - 2 ടേബിൾ സ്പൂൺ ( ഇത് രണ്ടും 4-5 മണിക്കൂർ വെള്ളത്തിൽ കുതിർത്തു വെക്കുക)

• ദോശ മാവ് - 1 1/2 കപ്പ്‌ 
• തൈര് - 2 ടേബിൾ സ്പൂൺ 
• ഉപ്പ് - 1 1/2 ടീ സ്പൂൺ 
• വെളിച്ചെണ്ണ - 2 ടേബിൾ സ്പൂൺ 
• കടുക് - ആവശ്യത്തിന് 
• ഉഴുന്നുപരിപ്പ് - 1 ടീ സ്പൂൺ 
• പച്ചമുളക് - 3-4 എണ്ണം ചെറുതായി അരിഞ്ഞത് 
• ഇഞ്ചി - ചെറിയ കഷ്ണം 
• ചെറിയ ഉള്ളി -6-7 എണ്ണം 
• കറിവേപ്പില 

തയാറാക്കുന്ന വിധം

• പച്ചരിയും ഉഴുന്നും അരയ്ക്കുക. 
• ദോശ മാവിലേക്കു അരച്ചു വെച്ച പച്ചരിമാവും തൈരും, ഉപ്പും ചേർത്ത് നന്നായി യോജിപ്പിക്കുക. അതിന് ശേഷം മാവിലേക്ക് വെളിച്ചെണ്ണയിൽ കടുക്‌ , ഉഴുന്ന് പരുപ്പ് , ഇഞ്ചി, പച്ച മുളക്, ചെറിയ ഉള്ളിയും ചേർത്ത് വറുത്തിടുക. 
• ഉണ്ണിയപ്പം തയാറാക്കുന്ന കുഴിയൻ പാത്രത്തിൽ  1 ടീ സ്പൂൺ വീതം എണ്ണ ഒഴിച്ച് അപ്പം ചുട്ടെടുക്കാം. രണ്ട് ഭാഗവും ഇളം ബ്രൗൺ നിറം ആകുമ്പോൾ അപ്പം എടുത്ത് മാറ്റാം.