ദീപാവലി മധുരത്തിന് സ്വാദിഷ്ടമായ കുമ്പളങ്ങ ഹൽവ

കുമ്പളങ്ങ സാമ്പാറിൽ ചേർക്കാൻ മാത്രമല്ല കൊതിപ്പിക്കുന്ന പലഹാരമാക്കാനും പറ്റും, രുചികരമായ കുമ്പളങ്ങ ഹൽവ തയാറാക്കുന്നതെങ്ങനെയെന്നു നോക്കാം.

ചേരുവകൾ :

• കുമ്പളങ്ങ  / വൈറ്റ് പംകിൻ -  800 ഗ്രാം
• പഞ്ചസാര                        – 1 കപ്പ്
• നെയ്യ്                              -  2  ടേബിൾ സ്പൂൺ
• കുങ്കുമപ്പൂവ്                     - 1/4 ടീസ്പൂൺ
• ഏലയ്ക്കാപ്പൊടി             - 1/4 ടീസ്പൂൺ
• വറുത്ത അണ്ടിപരിപ്പും മുന്തിരിയും അല്ലെങ്കിൽ ചെറുതായി അരിഞ്ഞ ബദാമും പിസ്തയും

തയാറാക്കുന്ന വിധം :

• കുമ്പളങ്ങയുടെ തൊലിയും കുരുവും മാറ്റി ചെറുതായി ചീകി എടുക്കാം. ഇത് ഒരു പാനിലേക്ക് മാറ്റിയതിനുശേഷം തീ കത്തിക്കാം. ഒരു മീഡിയം തീയിലിട്ട് കുമ്പളങ്ങ നന്നായി വേവിച്ചെടുക്കാം. ഏകദേശം അര മണിക്കൂറിനുള്ളിൽ കുമ്പളങ്ങ സോഫ്റ്റ് ആയി കിട്ടും.വെള്ളം വറ്റിയതിനുശേഷം ഇതിലേക്കു 1  കപ്പ് പഞ്ചസാര ചേർത്തുകൊടുക്കാം. പഞ്ചസാര നന്നായി അലിയുന്നതുവരെ നന്നായി യോജിപ്പിച്ചെടുക്കാം. ഇതിലേക് 1/4 ടീസ്പൂൺ കുങ്കുമപ്പൂവും കൂടി ചേർത്ത് മിക്സ് ചെയ്യാം.
  
• കുറുകി വന്നുതുടങ്ങിയാൽ ചെറിയ തീയിലിട്ട്  10 മിനിറ്റ് കൂടി വേവിക്കാം. അതിനുശേഷം നെയ്യ് ചേർക്കാം. നെയ്യ് പാനിന്റെ വശങ്ങളിൽ തെളിയുന്നതുവരെ കുക്ക് ചെയ്യാം.അതിനുശേഷം ഏലയ്ക്കാപൊടിയും കൂടി ചേർത്ത് തീ ഓഫ് ചെയ്യാം. തണുത്തതിനു ശേഷം കഴിക്കാം.