ഈ മസാല കൂട്ട് ചേർത്ത് മത്തി പൊരിച്ചാൽ സംഗതി വേറെ ലെവലാ....
മത്തി അല്ലെങ്കിൽ ചാള പൊരിച്ചെടുത്താൽ പ്രത്യേക രുചിയാണ്. ഈ ചേരുവകൾ ചേർത്ത് വറുത്തെടുത്തു നോക്കൂ ചോറിന് വേറെ കറി വേണ്ട.
ചേരുവകൾ
- മത്തി/ചാള - അര കിലോ
- ചെറിയ ഉള്ളി - 10-15എണ്ണം
- ഇഞ്ചി - ചെറിയ കഷ്ണം
- വെളുത്തുള്ളി - 4 എണ്ണം
- കറിവേപ്പില - കുറച്ച്
- ചെറിയ ജീരകം - കാൽ ടീസ്പൂൺ
- വലിയ ജീരകം - അര ടീസ്പൂൺ
- കാശ്മീരി മുളകുപൊടി - 3 ടേബിൾ ടിസ്പൂൺ
- മല്ലിപ്പൊടി – അര ടീസ്പൂൺ
- മഞ്ഞൾപൊടി – അര ടീസ്പൂൺ
- കുരുമുളക് പൊടി – കാൽ ടീസ്പൂൺ
- ചെറുനാരങ്ങ – 1 എണ്ണം
- ഉപ്പ് – ആവശ്യത്തിന്
തയാറാക്കുന്ന വിധം
∙ ഇവ എല്ലാം മിക്സിയുടെ ജാറിൽ അരച്ചെടുക്കാം.
∙ അതിനു ശേഷം മീനിൽ മസാല പുരട്ടി 10 മിനിറ്റ് വയ്ക്കാം, ശേഷം ഒരു പാനിൽ എണ്ണ ഒഴിച്ച് ചൂടായതിനു ശേഷം കുറച്ച് കറി വേപ്പില ഇട്ട് മീൻ പൊരിച്ചെടുക്കാം. ടേസ്റ്റി മത്തി വറുത്തത് റെഡി. ബാക്കി വന്ന മസാല ആ എണ്ണയിൽ വേവിച്ചെടുക്കം അത് വേറെ ഒരു പ്ലേറ്റിലിട്ട് ചോറിന്റെ കൂടെ കഴിക്കാം.
English Summary: Fish Fry Recipe