നാവിൽ കൊതിയൂറുന്ന രുചിയിൽ ചതച്ച് വറുത്ത ചിക്കൻ

ചിക്കൻ ഒരേ  രീതിക്കു കഴിച്ചു മടുത്തോ?  ഇനി ചിക്കൻ വാങ്ങിക്കുമ്പോൾ ഈ രീതി പരീക്ഷിക്കാം.

ചേരുവകൾ 

• ചിക്കൻ - ½ കിലോ 
• വെളുത്തുള്ളി -5
• ചെറിയുള്ളി -7
• സവാള -2
• തക്കാളി -2
• ഇഞ്ചി - 2 ഇഞ്ച് 
• ഉപ്പ് - 1 സ്പൂൺ 
• ചിക്കൻ മസാല - 2 സ്പൂൺ 
• മുളകുപൊടി - ½ സ്പൂൺ 
• മഞ്ഞൾപ്പൊടി -¼ സ്പൂൺ 
• എണ്ണ - ¼ കപ്പ്‌ 
• തൈര് - 2 സ്പൂൺ 
• പച്ചമുളക് - 1
• ജീരകം -½ സ്പൂൺ 

തയാറാക്കുന്ന വിധം 

• അര കിലോ ചിക്കനിൽ മുളകുപൊടി, മഞ്ഞൾപ്പൊടി, തൈര്, ഉപ്പ് എന്നിവ ചേർത്ത് പുരട്ടി വയ്ക്കുക (അരമണിക്കൂർ സമയം).
• വെളുത്തുള്ളി, ചെറിയ ഉള്ളി, ഇഞ്ചി, ജീരകം -½ സ്പൂൺ ചേർത്ത് ചതച്ച് മാറ്റി വയ്ക്കുക.
• ഒരു പാൻ ചൂടാക്കി എണ്ണ ഒഴിച്ച് മാരിനേറ്റ് ചെയ്ത് ചിക്കൻ ഹാഫ്  ഫ്രൈ ചെയ്തു മാറ്റുക. 
• ഫ്രൈ ചെയ്ത എണ്ണയിൽ വെളുത്തുള്ളി ചതച്ചതും സവാള അരിഞ്ഞതും തക്കാളി അരിഞ്ഞതും ചേർത്ത് വഴറ്റുക. മസാല ചേരുവകളും ചേർത്ത് തക്കാളി ചെറുതായി അരിഞ്ഞതും ചേർത്ത് വാട്ടി എടുക്കുക. ഇതിലേക്ക് ഫ്രൈ ചെയ്ത ചിക്കനും ചേർത്ത് യോജിപ്പിച്ച് എടുക്കുക. അടച്ചു വെച്ച് 2 മിനിറ്റ് നേരത്തേക്ക് വേവിക്കുക. ഇതിലേക്ക് കുറച്ച് വെള്ളവും നാരങ്ങാ നീരും ചേർത്ത് വേവിച്ചെടുക്കാം. ആവശ്യത്തിന് കറിവേപ്പിലയും ചേർത്ത് വാങ്ങാം.
  

English Summary: Chicken Fry Recipe