ചായയ്ക്കൊപ്പം കഴിക്കാൻ ടീ കേക്ക് വീട്ടിൽ തയാറാക്കാം

ബേക്ക് ചെയ്യാതെയും മുട്ട ചേർക്കാതെയും വളരെ എളുപ്പത്തിൽ തയാറാക്കാവുന്ന "ടീ കേക്ക് "

ചേരുവകൾ 

• വെണ്ണ - 1/3 കപ്പ്‌ 
• പഞ്ചസാര പൊടിച്ചത് - 1/2 കപ്പ്‌ 
• കണ്ടെൻസ്ഡ് മിൽക്ക് - 3/4 കപ്പ്‌ 
• ചൂടുള്ള പാൽ - 1 കപ്പ്‌ 
• നാരങ്ങ നീര് -1 1/2 ടീ സ്പൂൺ 
• മൈദ - 1 1/2 കപ്പ്‌ 
• ബേക്കിംഗ് പൌഡർ - 2 ടീ സ്പൂൺ 
• ബേക്കിംഗ് സോഡാ - 1/2 ടീ സ്പൂൺ 
• വാനില എസ്സെൻസ് - 1/2 ടീ സ്പൂൺ 

തയാറാക്കുന്ന വിധം

• വെണ്ണ നല്ല പോലെ അടിച്ചെടുക്കുക, പൊടിച്ച പഞ്ചസാര ചേർത്ത് വീണ്ടും നന്നായി ഇളക്കി എടുക്കുക. ശേഷം കണ്ടെൻസ്ഡ് മിൽക്ക് ചേർത്ത് യോജിപ്പിക്കുക. 
• ചൂട് പാലിൽ നാരങ്ങ നീര് ഒഴിച്ച് പാൽ പിരിഞ്ഞു വരുമ്പോൾ കണ്ടെൻസ്ഡ് മിൽക്ക് മിശ്രിതത്തിലേക്ക് ചേർത്തിളക്കുക . 
• അരിച്ചെടുത്ത മൈദയും ബേക്കിങ് പൗഡറും സോഡയും നന്നായി കട്ട പിടിക്കാതെ ഇളക്കി ചേർക്കുക. ശേഷം വാനില എസ്സെൻസ് കൂടി ചേർക്കുക. 
• ഈ മിശ്രിതം ഒരു ബൗളിലേക്കു ഒഴിക്കുക. 
• ഇഡ്ലി ചെമ്പിലോ പാനിലോ ഒരു പ്ലേറ്റ് കമഴ്ത്തി വെച്ച് ബൗൾ അതിന് മുകളിൽ വെച്ച് അടച്ച് വെക്കുക. ഒരു തുണി പാത്രത്തിനു മുകളിൽ ആവി പോകാത്ത രീതിയിൽ മൂടി വെക്കുക. 40 മിനിറ്റ് ചെറിയ തീയിൽ ആവി കയറ്റുക. 
• തണുത്ത ശേഷം അടുപ്പിൽ നിന്ന് വാങ്ങി വയ്ക്കുക. ചൂട് നന്നായി കുറഞ്ഞ ശേഷം കേക്ക് മുറിച്ചെടുക്കാവുന്നതാണ്.
  English Summary: Eggless Tea Cake without Oven and Egg, Plain Cake Recipe