ചക്കപ്പഴം പായസം സൂപ്പർ രുചിയിൽ

ചക്കപ്പഴവും ചൗവരിയും ചേർത്തൊരു ടേസ്റ്റി പായസം / പ്രഥമൻ തയാറാക്കാം.

ചേരുവകൾ

• ചക്ക                           –    30 ചുള  
• ചൗവരി /സാഗൊ          –   100 ഗ്രാം
• തേങ്ങ    (ചിരകിയത്)     –  1 എണ്ണം 
• ശർക്കര പാനി               –  1 കപ്പ് (നല്ല കട്ടിയുള്ളത് )
• ഏലയ്ക്ക                     –  4 എണ്ണം ചതച്ചത് 
• നെയ്യ്                          –   2 ടേബിൾസ്പൂൺ
• ചക്ക (ചെറുതായി അരിഞ്ഞത് ) – 3 ടീ സ്പൂൺ
• കിസ്മിസ്                             –   20 എണ്ണം
• തേങ്ങയുടെ ഒന്നാം പാൽ – 1 കപ്പ്
• തേങ്ങയുടെ രണ്ടും മൂന്നും പാൽ – 2 കപ്പ് വീതം എടുത്ത് വയ്ക്കണം
• ചൗവരി 1 കപ്പ്‌  വെള്ളം ഒഴിച്ച് പ്രഷർ കുക്കറിൽ 3 വിസിൽ വരും വരെ വേവിക്കണം.
• ചക്ക  ചെറുതായി അരിഞ്ഞു മിക്സിയിൽ ഇട്ട്  അടിച്ചു വയ്ക്കണം. 

തയാറാക്കുന്ന വിധം 

• ഒരു ചുവടു കട്ടിയുള്ള പാത്രത്തിൽ ചക്ക അടിച്ചതും തേങ്ങയുടെ രണ്ടും മൂന്നും പാലും  ചേർത്ത് വേവിക്കണം. 
• നന്നായി തിളയ്ക്കുമ്പോൾ വേവിച്ച് വച്ച ചൗവരി ചേർക്കുക. ഒന്നു തിളച്ചു വരുമ്പോൾ ശർക്കര പാനി ചേർത്ത് ഇളക്കുക. ഇനി തേങ്ങയുടെ ഒന്നാം പാൽ ചേർത്ത് ഇളക്കണം. 
• നന്നായി തിളയ്ക്കുമ്പോൾ ഏലയ്ക്ക പൊടിച്ചതും ഒരു നുള്ള് ഉപ്പും ചേർത്ത് ഇളക്കുക. നന്നായി കുറുകുമ്പോൾ അടുപ്പിൽ നിന്നും ഇറക്കുക. 
• ഇനി ഒരു ഫ്രൈയിങ് പാനിൽ നെയ്യ് ഒഴിച്ച് ചക്ക ചെറുതായി അരിഞ്ഞതും കിസ്മിസ് വറുത്തതും  പായസത്തിൽ ചേർക്കാം. 

English Summary :  Chakka Pazham Payasam.