അരി അരയ്ക്കാതെ നാടൻ രുചിയിൽ നെയ്യപ്പം

അരിപ്പൊടി കൊണ്ടു രുചികരമായ നെയ്യപ്പം, വളരെ എളുപ്പത്തിൽ തയാറാക്കാം.

ചേരുവകൾ:

• അരിപ്പൊടി - 1 കപ്പ്
• മൈദ - 3/4 കപ്പ് 
• റവ - 1/2 കപ്പ് 
• ശർക്കര - 2 വലുത് 
• തേങ്ങാക്കൊത്ത് - 2 ടേബിൾ സ്പൂൺ
• നെയ്യ് - 1 ടേബിൾ സ്പൂൺ 
• വെളിച്ചെണ്ണ - വറുത്തെടുക്കാൻ ആവശ്യത്തിന് 
• ബേക്കിങ് സോഡാ - ഒരു നുള്ള് 
• ഉപ്പ് - ഒരു നുള്ള്  

തയാറാക്കുന്ന വിധം

• ശർക്കര നന്നായി ഉരുക്കിയ ശേഷം ഒരു അരിപ്പ വച്ചു അരിച്ചെടുക്കുക. 
• ശേഷം ഒരു വലിയ ബൗൾ എടുത്തു അതിലേക്ക് അരിപ്പൊടിയും മൈദയും റവയും ഇട്ടു കൊടുത്തു അതിലേക്ക് ശർക്കരപ്പാനി കുറേശ്ശേ ഒഴിച്ച് കൊടുക്കുക. 
• കട്ട കെട്ടാതെ സൂക്ഷിക്കണം. കട്ടി ആണെങ്കിൽ കുറച്ചു വെള്ളവും കൂടെ ഒഴിച്ച് കൊടുക്കാം. 
• തേങ്ങാക്കൊത്തും കറുത്ത എള്ളും നെയ്യിൽ വറുത്തെടുത്തു അതും കൂടെ ചേർത്ത് കൊടുക്കുക. നന്നായി യോജിപ്പിക്കുക. 
• ഒരു നുള്ള് ഉപ്പും ബേക്കിങ് സോഡയും ചേർത്തു കൊടുത്തു ഒന്ന് കൂടെ യോജിപ്പിച്ചെടുക്കുക. 
• ചീനച്ചട്ടി ചൂടാവുമ്പോൾ നല്ല ചൂടുള്ള എണ്ണയിൽ വറുത്തു കോരുക. നല്ല നാടൻ രുചിയിൽ ഇൻസ്റ്റന്റ് നെയ്യപ്പം റെഡി.

English Summary : Kerala style instant Neyyappam recipe