ഊണിനൊരുക്കാം ഇൻസ്റ്റൻറ് തക്കാളി രസം

ചോറിനൊപ്പം വളരെ പെട്ടെന്ന് തയാറാക്കാവുന്ന തക്കാളി രസം.

ചേരുവകൾ:

• തക്കാളി അരിഞ്ഞത് - 1 എണ്ണം
• ചെറിയ ഉള്ളി ചതച്ചത് - 5 എണ്ണം
• വെളുത്തുള്ളി ചതച്ചത് - 8 എണ്ണം
• ഇഞ്ചി ചതച്ചത് - ചെറിയ കഷ്ണം
• ഉണക്കമുളക് - 2 എണ്ണം
• കറിവേപ്പില - ആവശ്യത്തിന്
• മല്ലിയില - ആവശ്യത്തിന്
• വാളൻ പുളി - ഒരു ചെറുനാരങ്ങ വലുപ്പത്തിൽ
• മുളകുപൊടി -1/2 ടേബിൾസ്പൂൺ
• മല്ലിപ്പൊടി - 1 ടേബിൾസ്പൂൺ
• കുരുമുളകുപൊടി - 1/2 ടേബിൾസ്പൂൺ
• കായപ്പൊടി - 1/2 ടേബിൾസ്പൂൺ
• മഞ്ഞൾപ്പൊടി - 1/4 ടീസ്പൂൺ

തയാറാക്കുന്ന വിധം:

• ഒരു ഫ്രൈയിങ് പാൻ അടുപ്പിൽ വച്ച് രണ്ട് ടേബിൾസ്പൂൺ എണ്ണ ഒഴിച്ച് കൊടുക്കുക. 
• എണ്ണ ചൂടായി വരുമ്പോൾ കടുകിട്ട് കൊടുക്കുക. കടുക് പൊട്ടി വരുമ്പോൾ അതിലേക്ക് ഉണക്കമുളക് ഇട്ടുകൊടുക്കാം. 
• ചതച്ചു വച്ചിരിക്കുന്ന ഇഞ്ചി, ഉള്ളി, വെളുത്തുള്ളി എന്നിവ ഇട്ട് നന്നായി മൂത്തുവരുമ്പോൾ ഇതിലേക്ക് പൊടികൾ ഓരോന്നായി ചേർത്തുകൊടുക്കാം. 
• പൊടികൾ മൂത്ത് വരുമ്പോൾ അരിഞ്ഞു വച്ചിരിക്കുന്ന തക്കാളി ചേർത്ത് നന്നായി ഇളക്കി കൊടുക്കാം. 
• ഇതിലേക്ക് പിഴിഞ്ഞു വച്ചിരിക്കുന്ന പുളിവെള്ളവും ആവശ്യത്തിന് ഉപ്പും ചേർത്ത് 2 കപ്പ് വെള്ളം കൂടി ചേർത്ത് നന്നായി തിളച്ചുവരുമ്പോൾ കറിവേപ്പിലയും മല്ലിയിലയും ചേർത്ത് ഒരു ബൗളിലേക്ക് മാറ്റാം.

English Summary : Rasam Recipe Kerala Style.