റിബൺ പക്കോട, മലയാളിയുടെ പ്രിയപ്പെട്ട പലഹാരം

കടയിൽ കിട്ടുന്ന അതെ രുചിയിൽ ഉള്ള പക്കാവട എളുപ്പത്തിൽ വീട്ടിലും തയാറാക്കാം.

ചേരുവകൾ

• കടലമാവ് - രണ്ട് കപ്പ്
• അരിപ്പൊടി - ഒരു കപ്പ്
• മഞ്ഞൾപ്പൊടി - അര ടീസ്പൂൺ
• മുളകുപൊടി - ഒരു ടേബിൾ സ്പൂൺ
• കായപ്പൊടി - അര ടീസ്പൂൺ
• ചുവന്നുള്ളി - 6 അല്ലി
• വെളുത്തുള്ളി - 6 അല്ലി
• ബട്ടർ - 2 ടേബിൾ സ്പൂൺ
• ഉപ്പ് - ആവശ്യത്തിന്
• വെള്ളം - ആവശ്യത്തിന്
• എണ്ണ - വറുക്കാൻ ആവശ്യത്തിന്
• കറിവേപ്പില - 5 തണ്ട്

തയാറാക്കുന്ന വിധം

• ഒന്നു മുതൽ 9 വരെയുള്ള ചേരുവകൾ മിക്സിയിൽ നന്നായി പൊടിച്ചെടുക്കുക.
• ഇത് ഒരു വലിയ പാത്രത്തിലേക്ക് മാറ്റി ആവശ്യത്തിന് വെള്ളമൊഴിച്ച് ചപ്പാത്തി മാവിൻറെ പരുവത്തിൽ കുഴച്ചെടുക്കുക.
• കുഴച്ച മാവ് അൽപം എണ്ണ മയം പുരട്ടിയ ശേഷം 15 മിനിറ്റ് മാറ്റിവയ്ക്കുക.
• ചുവട് കട്ടിയുള്ള ഒരു പാത്രത്തിൽ എണ്ണ ചൂടാക്കുക.
• ഒരു സേവനാഴിയിൽ പക്കാവടയുടെ ചില്ല് ഇട്ടതിനുശേഷം മാവ് നിറച്ച് തിളച്ച എണ്ണയിലേക്ക് പിഴിഞ്ഞ് ഗോൾഡൻ ബ്രൗൺ നിറത്തിൽ വറുത്ത് കോരുക.
• തയാറാക്കിയ മാവ് മുഴുവൻ വറുത്ത് എടുത്തതിനുശേഷം  കറിവേപ്പില വറുത്ത് എടുക്കുക.
• ചൂടാറിയ ശേഷം വായു കടക്കാത്ത പാത്രത്തിൽ അടച്ചു സൂക്ഷിക്കാം.

English Summary : 'Pakkavada' is a traditional snack that tastes best with hot tea.