എളുപ്പത്തിൽ നല്ല രുചിയുള്ള അവൽ ഹൽവ

വീട്ടിലുള്ള ചേരുവകൾ കൊണ്ട് എളുപ്പത്തിലൊരുക്കാം അവൽ ഹൽവ.

ചേരുവകൾ 

• അവൽ - 2 1/2 കപ്പ്‌ 
• ശർക്കര - 2 കപ്പ്
• തേങ്ങയുടെ ഒന്നാപാൽ - 2 കപ്പ്‌
• രണ്ടാം പാൽ - 1 കപ്പ്‌ 
• നെയ്യ് - 1 ടീസ്പൂൺ 
• അണ്ടിപ്പരിപ്പ് നുറുക്കിയത് - 1/4 കപ്പ്‌

തയാറാക്കുന്ന വിധം

• അവൽ ചെറുതായി ചൂടാക്കി ഒന്ന് പൊടിച്ചെടുക്കണം. 
• ശർക്കര ഉരുകിയെടുക്കാം. 
• ശേഷം പൊടിച്ചെടുത്ത അവൽ തേങ്ങാപാലിൽ ചേർത്ത് ഒന്ന് കലക്കിയെടുക്കാം. 
• ഒരു കട്ടിയുള്ള പാത്രത്തിൽ ഈ  ചേരുവ ഒന്ന് ചൂടാക്കി എടുക്കണം. 
• ചെറുതായി ചൂടായി വരുമ്പോൾ ഇതിൽ ശർക്കരപ്പാനി ചേർത്തു നന്നായി കുറുക്കിയെടുക്കാം. 
• ഇതിൽ കശുവണ്ടിയും നെയ്യും ചേർക്കാം. 
• ശേഷം നന്നായിട്ട് കൈവിടാതെ വരട്ടിയെടുക്കാം. 
• ഇത് ഒരു പാത്രത്തിൽ ഒന്ന് സെറ്റ് ചെയ്യാൻ വയ്ക്കണം. 
• നന്നായി സെറ്റായിട്ട് വന്നാൽ മുറിച്ച് കഴിക്കാം. 

English Summary : Aval Halwa Recipe.