അവൽ ചമ്മന്തിപ്പൊടി, സൂക്ഷിച്ചു വച്ച് ഉപയോഗിക്കാം

നല്ല നാടൻ വിഭവം ആണ്‌ അവൽ ചമ്മന്തിപ്പൊടി, ഒത്തിരി കാലം സൂക്ഷിച്ചു വയ്ക്കാൻ സാധിക്കുന്ന ഒന്നാണ് ഈ ചമ്മന്തിപ്പൊടി.

ചേരുവകൾ

• അവൽ - ഒരു കപ്പ്‌
• വറ്റൽ മുളക് - 10 എണ്ണം
• ഇഞ്ചി - 2 സ്പൂൺ
• തേങ്ങ - 4 സ്പൂൺ
• പുളി - ഒരു ചെറിയ കഷ്ണം
• ജീരകം - ഒരു സ്പൂൺ
• ഉപ്പ് - ആവശ്യത്തിന്
• കായപ്പൊടി - അര സ്പൂൺ
• കറിവേപ്പില - 3 തണ്ട്

തയാറാക്കുന്ന വിധം

• ഒരു ചീന ചട്ടിയിൽ അവൽ നന്നായി വറത്തു മാറ്റി വയ്ക്കുക.
• ചീന ചട്ടി ചൂടാകുമ്പോൾ, തേങ്ങ, ഇഞ്ചി, പുളി, വറ്റൽമുളക്, ജീരകം, കറിവേപ്പില എന്നിവ ചേർത്ത് നന്നായി വറത്തു എടുക്കുക.
• എല്ലാം നന്നായി വറത്തു കഴിയുമ്പോൾ മിക്സിയുടെ ജാറിലേക്കു മാറ്റി, അവൽ കൂടെ ചേർത്തു ആവശ്യത്തിന് ഉപ്പും കായപ്പൊടിയും ചേർത്ത് നന്നായി വറുത്ത് എടുക്കാം.
• വളരെ രുചികരമായ ഒരു ചമ്മന്തിപ്പൊടിയാണ് ഇത്, കുറെ നാൾ സൂക്ഷിച്ചു വയ്ക്കാനും സാധിക്കും. എണ്ണ ഒട്ടും ഉപയോഗിക്കാത്ത വിഭവം ആയതു കൊണ്ടു വളരെ ഹെൽത്തിയുമാണ്.
• ദോശ, ഇഡ്ഡലി, ചോറ്, കഞ്ഞി എന്നിവയ്‌ക്കൊപ്പം വളരെ നല്ലൊരു കൂട്ടാണ് ഈ ചമ്മന്തിപ്പൊടി.

English Summary : Try out this easy recipe of spicy and delicious chammanthi podi.