വെണ്ടയ്ക്ക ഫ്രൈ, തകർപ്പൻ രുചിയിൽ

വെണ്ടയ്ക്ക കൊണ്ടു വളരെ എളുപ്പം തയാറാക്കാവുന്ന ഒരു പലഹാരം. ചായയ്ക്കൊപ്പമോ ചോറിന്റെ കൂടെയോ കഴിക്കാൻ പറ്റിയ വിഭവമാണിത്.

ചേരുവകൾ

• വെണ്ടയ്ക്ക        -       100 ഗ്രാം
• കടലമാവ്           -   2 മുതൽ 3 ടേബിൾ സ്പൂൺ
• അരിപ്പൊടി         -     1 ടേബിൾ സ്പൂൺ
• മുളകുപൊടി       -    1 ടീസ്പൂൺ
• മഞ്ഞൾപ്പൊടി    -     1/4 ടീസ്പൂൺ
• മല്ലിപ്പൊടി          -  1/2 ടീസ്പൂൺ
• ഗരം മസാല       -  1/2 ടീസ്പൂൺ
• ചാറ്റ് മസാല      -   1 ടീസ്പൂൺ
• ലെമൺ ജ്യൂസ്‌   - 1 ടീസ്പൂൺ
• ഉപ്പ്                   -   ആവശ്യത്തിന്

തയാറാക്കുന്ന വിധം

• വെണ്ടയ്ക്ക നാലാക്കി നീളത്തിൽ മുറിച്ചെടുക്കുക. 
• അതിലേക്ക് ഉപ്പും മുളകുപൊടിയും മറ്റു മസാലകളും നാരങ്ങാനീരും ചേർത്ത് ഇളക്കുക. 
• ശേഷം 2  ടേബിൾ സ്പൂൺ കടലമാവും അരിപ്പൊടിയും ചേർത്ത് ഇളക്കുക.
• അതിലേക്കു ചെറുതായി വെള്ളം തളിച്ചു മസാലകളും ഉപ്പും വെണ്ടയ്ക്കയിലേക്കു പിടിപ്പിച്ചതിനു ശേഷം 10 മിനിറ്റ് അടച്ചു വയ്ക്കുക. 10 മിനിറ്റു കഴിഞ്ഞു തിളച്ച എണ്ണയിൽ വറുത്ത് എടുക്കാം. ചായയ്ക്കൊപ്പമോ ചോറിന്റെ കൂടെയോ കഴിക്കാം.

English Summary : Vendakkafry is a spicy, tasty and super crispy fries made with tender ladies finger.