സ്വാദിഷ്ടമായ തക്കാളി സാദം, എളുപ്പത്തിലൊരുക്കാം

പ്രത്യേകിച്ച് കറികളൊന്നും ഇല്ലെങ്കിലും രുചിയോടെ കഴിക്കാവുന്ന താക്കാളി സാദം, തയാറാക്കുന്നത് എങ്ങനെയെന്നു നോക്കാം.

ചേരുവകൾ:

• വേവിച്ച ബസ്മതി റൈസ് - 3 കപ്പ്
• സവാള - 1
• തക്കാളി - 3
• വെളുത്തുള്ളി അരിഞ്ഞത് - 2 ടീ സ്പൂൺ 
• ഇഞ്ചി അരിഞ്ഞത് - 1 ടീ സ്പൂൺ 
• പച്ചമുളക് - 1
• കടുക് - 1/2 ടീ സ്പൂൺ 
• ജീരകം - 1/2 ടീ സ്പൂൺ 
• ഉഴുന്നുപരിപ്പ് - 1 ടീ സ്പൂൺ 
• കടലപ്പരിപ്പ് - 1 ടീ സ്പൂൺ 
• കശുവണ്ടി - 8 എണ്ണം
• വറ്റൽ മുളക് - 3
• കാശ്മീരി മുളകുപൊടി - 1/2 ടീ സ്പൂൺ 
• മല്ലിപ്പൊടി - 1 ടീ സ്പൂൺ 
• മഞ്ഞൾപൊടി - 1/4 ടീ സ്പൂൺ 
• കായപ്പൊടി - 1/4 ടീ സ്പൂൺ 
• കറിവേപ്പില - 1 തണ്ട്
• മല്ലിയില - 2 ടേബിൾ സ്പൂൺ 
• ഉപ്പ് - പാകത്തിന്
• നെയ്യ് - 1/2 ടേബിൾ സ്പൂൺ 
• എണ്ണ - 1 ടേബിൾ സ്പൂൺ 

തയാറാക്കുന്ന വിധം

• ഒരു ഫ്രൈയിങ് പാനിൽ എണ്ണ ചൂടാക്കി കടുക് പൊട്ടിക്കുക.
• ജീരകം, കടലപ്പരിപ്പ് , ഉഴുന്നുപരിപ്പ്, വറ്റൽ മുളക്, കറിവേപ്പില എന്നിവ ചേർത്തു മൂപ്പിച്ച ശേഷം കശുവണ്ടി പരിപ്പ് ചേർക്കുക.
• സവാള, ഇഞ്ചി, വെളുത്തുള്ളി, പച്ചമുളക് എന്നിവ ചേർത്തു നിറം മാറുന്നതു വരെ വഴറ്റുക.
• ചെറുതായി അരിഞ്ഞ തക്കാളിയും പാകത്തിന് ഉപ്പും ചേർത്തു യോജിപ്പിക്കുക.
• അടച്ചുവച്ച് തക്കാളി സോഫ്റ്റ് ആകുന്നതുവരെ വേവിക്കുക.
• മഞ്ഞൾപ്പൊടി, മുളകുപൊടി, കായപ്പൊടി, മല്ലിപ്പൊടി എന്നിവ ചേർത്ത് ഒരു മിനിറ്റ് വഴറ്റുക.
• അര ടേബിൾ സ്പൂൺ നെയ്യ് ചേർക്കുക.
• വേവിച്ച ചോറ് ചേർത്തു യോജിപ്പിക്കുക.
• മല്ലിയില വിതറിയശേഷം രണ്ട് മിനിറ്റ് ചെറിയ തീയിൽ അടച്ചു വയ്ക്കുക.
• ടൊമാറ്റോ റൈസ് തയാർ.
• സ്വാദിഷ്ടമായ തക്കാളി സാദം റൈത്ത, പപ്പടം എന്നിവ കൂട്ടി കഴിക്കാം.

Content Summary : Tomato rice recipe by Sujatha.