മുരിങ്ങയില തോരൻ, പോഷകഗുണങ്ങൾ ധാരാളം

മുരിങ്ങയില കൊണ്ടൊരുക്കാം ആരോഗ്യഗുണങ്ങൾ ധാരാളമുള്ള സൂപ്പർ ടേസ്റ്റി തോരൻ.

ചേരുവകൾ

• മുരിങ്ങയില - 3 കപ്പ്‌
• ചെറിയ ഉള്ളി - 1/2 കപ്പ്‌
• തേങ്ങ - 1/4 കപ്പ്‌
• പുഴുങ്ങലരി - 3 ടേബിൾ സ്പൂൺ 
• വെളിച്ചെണ്ണ - 3 ടീസ്പൂൺ
• കടുക് - 1/2 ടീസ്പൂൺ
• ചുവന്ന മുളക് - 3 എണ്ണം
• ഉഴുന്നു പരിപ്പ് - 2 ടേബിൾ സ്പൂൺ
• മഞ്ഞൾപ്പൊടി - 1/4 ടീസ്പൂൺ 
• ഉപ്പ് - ആവശ്യത്തിന്
• കറിവേപ്പില

തയാറാക്കുന്ന വിധം

• ചീനച്ചട്ടിയിൽ എണ്ണയൊഴിച്ചു കടുക് പൊട്ടിക്കുക. 
• കടുകു പൊട്ടി വരുമ്പോൾ ഉഴുന്നു പരിപ്പും ചുവന്ന മുളകു പൊട്ടിച്ചതും കറിവേപ്പിലയും ചേർത്തു വറക്കുക. 
• ഉള്ളി ചേർത്തു നന്നായി വഴറ്റുക. ഉള്ളി വഴറ്റു വരുമ്പോൾ മഞ്ഞൾപ്പൊടി ചേർത്ത് ഇളക്കുക. 
• മുരിങ്ങയിലയും ആവശ്യത്തിന് ഉപ്പും ചേർത്ത് ഇളക്കി അടച്ചു വച്ചു വേവിക്കുക. വെള്ളം ചേർക്കേണ്ട ആവശ്യമില്ല. വെന്തു വരുമ്പോൾ  തേങ്ങയും ചേർത്തു കൊടുക്കുക.
• ഒരു ഫ്രൈയിങ് പാനിൽ പുഴുങ്ങലരി ഇട്ട് എണ്ണ ചേർക്കാതെ വറക്കുക. 
• ഈ വറത്തു വച്ച അരി കൂടി ഉപ്പേരിയിൽ ചേർത്തു കൊടുക്കുക. മുരിങ്ങയില ഉപ്പേരി റെഡി.
• മുരിങ്ങയില ഉപ്പേരിയിൽ ഈ വറുത്ത അരി കടിക്കുന്നത് ഒരു പ്രത്യേക ടേസ്റ്റ് ആണ്.

Content Summary : Muringa ila upperi nadan recipe by Prabha.