ഈ സൂപ്പ് രുചിച്ചിട്ടുണ്ടോ? ക്രീമി സ്വാദ്

ഹോട്ടലിൽ ഫൂഡ് കഴിക്കാൻ പോകുമ്പോൾ സ്റ്റാർട്ടർ സൂപ്പുകൾ ഒാർഡർ ചെയ്യാറുണ്ട്. ചിക്കനോ കോണോ എന്തുമാകട്ടെ സൂപ്പർ ടേസ്റ്റാണ്. ക്രീമി ചിക്കൻ സൂപ്പാണ് മിക്കവർക്കും പ്രിയം. ആരോഗ്യദായകമാണ് സൂപ്പ്. ഹോട്ടലിൽ പോകാതെ വളരെ എളുപ്പത്തിൽ വീട്ടിൽ തന്നെ ക്രീമി ചിക്കൻ സൂപ്പ് തയാറാക്കിയാലോ? എങ്ങനെയെന്ന് നോക്കാം.

ചേരുവകൾ

ചിക്കൻ - 200 ഗ്രാം

മൈദ - 1  ടേബിൾ സ്പൂണ്‍

വെണ്ണ - 1 ടേബിൾസ്പൂണ്

കുരുമുളകുപൊടി - 1/4 ടീസ്പൂണ് + 1/4 ടീസ്പൂണ് 

ഉപ്പ് - 1/4 + 1/4 ടീസ്പൂൺ

വെള്ളം - 1/2 കപ്പ്

സ്പ്രിംഗ് ഓണിയൻ - 2 ടേബിൾസ്പൂൺ

തയാറാക്കുന്ന വിധം

ഒരു പ്രഷർ കുക്കറിൽ ചിക്കൻ, 1/4 ടീസ്പൂൺ കുരുമുളക്, 1/4 ടീസ്പൂൺ ഉപ്പ്, 1/2 കപ്പ് വെള്ളം എന്നിവ ചേർത്ത് കുറഞ്ഞ തീയിൽ 2 വിസിൽ വരെ വേവിക്കുക ..

തണുത്തു കഴിഞ്ഞാൽ ചിക്കൻ പുറത്തെടുത്ത് ചെറിയ കഷണങ്ങളായി മുറിക്കുക. ഒരു ചൂടുള്ള സോസ് പാനിൽ വെണ്ണ ചേർക്കുക. തീ വളരെ കുറയ്ക്കുക, അല്ലാത്തപക്ഷം വെണ്ണ കരിഞ്ഞു പോകും.

മൈദ ചേർത്ത് 5 മിനിറ്റ് വഴറ്റാം. ഇതിലേക്ക് പാൽ ചേർത്ത് നന്നായി ഇളക്കാം. പാൽ മിശ്രിതം നേരിയ കട്ടിയാകുന്നതുവരെ വേവിക്കുക.ഇനി ചിക്കൻ കഷണങ്ങൾ, അരിഞ്ഞ വെളുത്തുള്ളി, ചിക്കൻ സ്റ്റോക്ക് എന്നിവ ചേർക്കുക. നിങ്ങൾക്ക് ആവശ്യമുള്ള കട്ടി ലഭിക്കുന്നതുവരെ പാചകം ചെയ്യാം. അരിഞ്ഞ സ്പ്രിംഗ് ഒനിയനും ചേർത്ത് തീ ഓഫ് ചെയ്യുക. 5 മുതൽ 10 മിനിറ്റ് വരെ അടച്ച് വയ്ക്കാം. രുചിയൂറും ക്രീമി സോസ് റെഡി.

English Summary: Easy Creamy chicken soup