കുട്ടികൾക്ക് ഇഷ്ടപ്പെട്ട പീനട്ട് ബട്ടർ വളരെ എളുപ്പത്തിൽ വീട്ടിൽ തയാറാക്കാം

ബ്രഡിലും ചപ്പാത്തിയിലും പുരട്ടി കഴിക്കാവുന്ന സ്പ്രെഡ് ആണ് നേരിയ മധുരമുള്ള, കപ്പലണ്ടിയുടെ പോഷകഗുണങ്ങളുള്ള പീനട്ട് ബട്ടർ. ബ്രാൻഡഡ് പീനട്ട് ബട്ടറിനു പൊള്ളുന്ന വിലയാണ്. വളരെ എളുപ്പത്തിൽ വീട്ടിൽ ഉണ്ടാക്കാവുന്നതേയുള്ളൂ ഇത്.

കപ്പലണ്ടി (വറുത്തു തൊലി കളഞ്ഞത് ) – 4 കപ്പ്

അൽപം പോലും വെള്ളത്തിന്റെ അംശം പറ്റിപ്പിടിച്ചിരിക്കാത്ത മിക്സിയിൽ നല്ലതു പോലെ പൊടിച്ചെടുക്കുക. പൊടിച്ച കപ്പലണ്ടി 4 ടേബിൾസ്പൂൺ സൺഫ്ലവർ ഓയിലും 3 ടേബിൾ സ്പൂൺ തേനും രണ്ടുനുള്ള് ഉപ്പും രണ്ടോ മൂന്നോ തുള്ളി വനില എസൻസും ചേർത്ത് മിക്സിയിൽ നല്ലതുപോലെ യോജിപ്പിച്ചെടുക്കുക. കുപ്പിയിലേക്കു പകർത്തി ഫ്രിജിൽ വച്ചിരുന്നാൽ കേടുവരില്ല.

(ഇതിൽ സൺഫ്ലവർ ഓയിലിനു പകരം വെണ്ണയോ മറ്റേതെങ്കിലും എണ്ണയോ ചേർക്കാം. വെളിച്ചെണ്ണ ചേരില്ല)