കണ്ണീരിൽ മുങ്ങിയ ആ കാഴ്ച നാം മറന്നിട്ടില്ല. അന്ന് എളവൂർ സ്കൂളിന്റെ മുറ്റത്തു നിരന്നു കിടന്ന കുരുന്നു ജീവനുകള്‍ക്കു മുന്നില്‍ നാം വിതുമ്പി. തട്ടേക്കാട് ബോട്ടു ദുരന്തത്തിൽ ജീവൻ നഷ്ടപ്പെട്ട കുഞ്ഞുങ്ങള്‍. അവർ നമ്മോടു ചോദിക്കുന്നുണ്ടായിരുന്നോ, എന്തിന് ഞങ്ങളെ മരണത്തിലേക്ക് തള്ളി വിട്ടു എന്ന്. ഒന്നു വാവിട്ടു കരയാൻ പോലുമാകാതെയാണ് അവരന്ന് അഴലിന്റെ ആഴങ്ങളിലേക്കു താഴ്ന്നു പോയത്. താനൂരിലും സ്ഥിതി മറിച്ചല്ല. ദുരന്തങ്ങളേതായാലും നമുക്ക് നഷ്ടപ്പെടുന്നവയില്‍ ഏതാനും കുരുന്നു ജീവനുകളുമുണ്ടാകും. ആ കുരുന്നുകൾക്കൊപ്പം ആ കുടുംബങ്ങളിലെ വിളക്കും അണയുന്നു.