സുവർണഭൂമി എയർപോർട്ടിലേക്ക് തായ് സർവീസ്

കൊച്ചി ∙ തായ്‌ലൻഡിലെ പ്രശസ്തമായ സുവർണഭൂമി വിമാനത്താവളത്തിലേക്ക് കൊച്ചിയിൽ നിന്ന് നേരിട്ട് സർവീസ്. തായ് എയർവേയ്സിന്റെ കൊച്ചി– ബാങ്കോക്ക് സർവീസ് മാർച്ച് 31 ന് ആരംഭിക്കും. 

  ടിജി 347 ബാങ്കോക്ക്–കൊച്ചി വിമാനം ചൊവ്വ , വ്യാഴം , ശനി ദിവസങ്ങളിൽ രാത്രി 9.40 ന് തിരിച്ച്,  രാത്രി 12.35 ന് കൊച്ചിയിലെത്തും. കൊച്ചി –ബാങ്കോക്ക് ടിജി 348 വിമാനം ബുധൻ, വെള്ളി, ഞായർ ദിവസങ്ങളിൽ പുലർച്ചെ 1.40 ന് പുറപ്പെട്ട്, രാവിലെ 7.35 ന് ബാങ്കോക്കിലെത്തും.  കേരളത്തിൽ നിന്നുള്ള യാത്രക്കാർക്ക് ഓസ്ട്രേലിയ–ന്യൂസീലൻഡ് കണക്ടിവിറ്റിക്ക് ഏറെ ഉപകാരപ്പെടുന്ന വിമാനത്താവളമാണ് സുവർണഭൂമി .