വിതുമ്പി, വ്യവസായ ലോകം

∙എൻ.ചന്ദ്രശേഖരൻ

ടാറ്റ സൺസ് ചെയർമാൻ

ടാറ്റ ഗ്രൂപ്പിനെ പടുത്തുയർത്തിയ നേതാവു മാത്രമല്ല, രത്തൻ ടാറ്റ. രാജ്യത്തിന്റെ നിർമാണത്തിലും അദ്ദേഹത്തിന്റെ സംഭാവനകൾ വിലമതിക്കാനാവാത്തതാണ്.എനിക്ക് അദ്ദേഹം  വഴികാട്ടിയും സുഹൃത്തുമായിരുന്നു. 

∙മുകേഷ് അംബാനി 

റിലയൻസ് ഇൻഡസ്ട്രീസ് 

ചെയർമാൻ

രത്തൻ ടാറ്റയുടെ വിയോഗം ടാറ്റ ഗ്രൂപ്പിന് മാത്രമല്ല, ഓരോ ഇന്ത്യക്കാരന്റെയും വലിയ നഷ്ടമാണ്. രാജ്യത്തിനു നഷ്ടമാകുന്നത് ഏറ്റവും പ്രഗല്ഭനും കാരുണ്യവാനുമായ ഒരു മകനെയാണ്.

∙സുന്ദർ പിച്ചൈ 

ആൽഫബെറ്റ് സിഇഒ

ഇന്ത്യയുടെ നവീന വ്യവസായ മുഖം വികസിപ്പിച്ചതിൽ രത്തൻ ടാറ്റയുടെ പങ്ക് പ്രധാനപ്പെട്ടതാണ്. ഇന്ത്യയെ മെച്ചപ്പെടുത്തുക എന്നതായിരുന്നു അദ്ദേഹത്തിന്റെ ലക്ഷ്യം.

∙ഗൗതം അദാനി

അദാനി ഗ്രൂപ്പ് ചെയർമാൻ

ഇന്ത്യയ്ക്കു നഷ്ടമാകുന്നത് വലിയ ദാർശനികനെയാണ്. ആധുനിക ഇന്ത്യയുടെ വഴി തുറന്നത് അദ്ദേഹമാണ്. 

∙ആനന്ദ് മഹീന്ദ്ര, 

മഹീന്ദ്ര ഗ്രൂപ്പ് ചെയർമാൻ

രത്തൻ ടാറ്റയുടെ വിയോഗത്തിൽ ഓരോ ഇന്ത്യക്കാരനും ചെയ്യാനുള്ളത് അദ്ദേഹത്തെ അന്ധമായി അനുകരിക്കുകയെന്നതാണ്. 

∙ ഹർഷ് ഗോയങ്ക

ആർപിജി ഗ്രൂപ്പ് ചെയർമാൻ

രത്തൻ ടാറ്റ എന്ന അതികായകൻ മരിച്ചപ്പോൾ ഘടികാരങ്ങൾ വരെ നിലച്ചുപോയിരിക്കാം. അദ്ദേഹത്തിന്റെ ഓർമകൾ ഒരു മാർഗദീപമായി ലോകം മുഴുവനും വെളിച്ചം വീശും.