ആഭ്യന്തര ക്രിക്കറ്റ്; പ്ലെയർ ഓഫ് ദ് മാച്ച്, പ്ലെയർ ഓഫ് ദ് സീരീസ് അവാർഡുകൾക്ക് പ്രൈസ് മണി

ന്യൂഡൽഹി ∙ ആഭ്യന്തര തലത്തിൽ എല്ലാ വനിതാ – ജൂനിയർ മത്സരങ്ങൾക്കും പ്ലെയർ ഓഫ് ദ് മാച്ച്, പ്ലെയർ ഓഫ് ദ് സീരീസ് അവാർഡുകൾക്ക് പ്രൈസ് മണി നൽകുമെന്നു ബിസിസിഐ. ഇതിനു പുറമേ, സീനിയർ തലത്തിൽ പുരുഷ ക്രിക്കറ്റിലെ വിജയ് ഹസാരെ, സയ്യിദ് മുഷ്താഖ് അലി ക്രിക്കറ്റ് ടൂർണമെന്റുകളിലെ പ്ലെയർ ഓഫ് ദ് മാച്ച് പുരസ്കാരത്തിനും ക്യാഷ് അവാർഡ് നൽകുമെന്ന് ബിസിസിഐ സെക്രട്ടറി ജയ് ഷാ സമൂഹമാധ്യമത്തിലെ പോസ്റ്റിൽ അറിയിച്ചു. കഴിഞ്ഞ വർഷം ആഭ്യന്തര ടൂർണമെന്റുകളുടെ പ്രൈസ് മണി വർധിപ്പിച്ചിരുന്നു.