ലോകകപ്പ് യോഗ്യത: വെനസ്വേലയ്ക്കെതിരായ മത്സരത്തിനുള്ള അർജന്റീന ടീമിൽ ലയണൽ മെസ്സിയും

ബ്യൂണസ് ഐറിസ്∙ വെനസ്വേലയ്ക്കെതിരായ ഫുട്ബോൾ ലോകകപ്പ് യോഗ്യതാ റൗണ്ട് മത്സരത്തിനുള്ള അർജന്റീന ടീമിൽ സൂപ്പർ താരം ലയണൽ മെസ്സിയെയും ഉൾപ്പെടുത്തി. കോപ്പ അമേരിക്ക ഫൈനലിനിടെയേറ്റ പരുക്കുമൂലം ചിലെ, കൊളംബിയ ടീമുകൾക്കെതിരായ യോഗ്യതാ മത്സരങ്ങളിൽ നിന്ന് മുപ്പത്തിയേഴുകാരനായ മെസ്സി വിട്ടുനിന്നിരുന്നു.

കഴിഞ്ഞ ദിവസം നടന്ന മേജർ ലീഗ് സോക്കർ മത്സരത്തിലൂടെയാണ് മെസ്സി ഗ്രൗണ്ടിൽ തിരിച്ചെത്തിയത്. എന്നാൽ ലിവർപൂൾ താരം അലക്സിസ് മക്‌അലിസ്റ്ററിന് വെനസ്വേലയ്ക്കെതിരായ മത്സരം നഷ്ടമായേക്കുമെന്ന് അർജന്റീന പരിശീലകൻ ലയണൽ സ്കലോനി അറിയിച്ചു. നാളെ പുലർച്ചെ 2.30നാണ് അർജന്റീന– വെനസ്വേല മത്സരം.