‘ഫൈനലി വന്നു ഗയ്സ്, പ്രാർഥനകൾക്ക് നന്ദി’, കുഞ്ഞുപിറന്ന സന്തോഷം പങ്കുവച്ച് ജിസ്മി

മലയാളി സീരിയൽ പ്രേക്ഷകർക്ക് ഏറെ പ്രിയപ്പെട്ട താരമാണ് ജിസ്മി. കുഞ്ഞു പിറന്ന സന്തോഷം ആരാധകരുമായി പങ്കുവച്ചിരിക്കുകയാണ് നടി. ആൺകുഞ്ഞാണ് ജനിച്ചത്. ഭർത്താവിനും കുഞ്ഞിനുമൊപ്പമുള്ള ഒരു വിഡിയോയും ജിസ്മി പങ്കുവച്ചു. 

‘ഫൈനലി വന്നു ഗയ്സ്. ബേബി ബോയ് ആണ്. എല്ലാവരുടെയും പ്രാർഥനകൾക്ക് നന്ദി’. വിഡിയോയിൽ ജിസ്മി പറഞ്ഞു. നിരവധി പേരാണ് ഇരുവർക്കും ആശംസകളുമായി എത്തുന്നത്. കുഞ്ഞിന്റെ മുഖം വെളിപ്പെടുത്തിയിട്ടില്ല. 

പ്രസവത്തിനായി ആശുപത്രിയിയലേക്ക് കയറുന്നതിന് തൊട്ടുമുമ്പ് ഒരു അടിപൊളി നൃത്ത വിഡിയോയും ജിസ്മി പങ്കുവച്ചിരുന്നു. ഓപ്പറേഷൻ തീയറ്ററിന് മുമ്പിൽ നിന്നാണ് ന‍ൃത്തം ചെയ്തത്. നേരത്തെയും നിറവയറിലുള്ള നിരവധി ഡാൻസ് വിഡിയോകൾ ജിസ്മി പങ്കുവച്ചിരുന്നു. 

അപ്രതീക്ഷിതമായിട്ടായിരുന്നു മിഥുന്റെയും ജിസ്മിയുടെയും വിവാഹം. വിവാഹ ചിത്രങ്ങൾ സമൂഹ മാധ്യമങ്ങളിൽ പങ്കുവച്ചപ്പോഴാണ് താരത്തിന്റെ വിവാഹം കഴിഞ്ഞെന്ന് പലരും അറിഞ്ഞത്. 2023ലായിരുന്നു വിവാഹം. ജിസ്മിയുടെ രണ്ടാം വിവാഹമായിരുന്നു ഇത്. 2020ൽ കാമറാമാൻ ഷിൻജിത്തിനെയാണ് ജിസ്മി ആദ്യം വിവാഹം ചെയ്തത്.