പിങ്ക് ഡയമണ്ട് മോതിരം ലേലത്തിന്; പ്രതീക്ഷ 300 കോടി രൂപ

പിങ്ക് നിറത്തിലുള്ള അപൂർവ വജ്ര മോതിരം ലേലത്തിന്. അമൂല്യമായ ആഭരണങ്ങളുടെ വിൽപന നടത്തുന്ന ജനീവയിലെ ക്രിസ്റ്റി ഓക്‌ഷൻസ് ആണ് നവംബർ 8ന് ലേലം സംഘടിപ്പിക്കുന്നത്. 200–300 കോടി രൂപ ലേലത്തിലൂടെ ലഭിക്കുമെന്നാണ് കണക്കാക്കുന്നത്. 

18.18 കാരറ്റുള്ള ഈ വജ്രത്തിന്റേത് തെളിച്ചവും തിളക്കവമുള്ള പിങ്ക് നിറമാണ്. വളരെ വിരളമായേ ഇത്തരം വജ്രം ലഭിക്കൂ. ഇപ്പോൾ തന്നെ താൽപര്യം അറിയിച്ച് പലരും എത്തുന്നുണ്ടെന്നും അധികൃതർ പറഞ്ഞു. 

2018 ൽ 18.96 കാരറ്റുള്ള ഒരു പിങ്ക് ഡയമണ്ട് ലേലം ചെയ്തിരുന്നു. ഈ വജ്രത്തിന് ലേലത്തിൽ 400 കോടിയിലേറെ രൂപ ലഭിച്ചിരുന്നു.