3 മണിക്കൂർ നിർത്താതെ പറക്കും, 50 കിലോഗ്രാം പോർമുന വഹിക്കും, പുതിയ ആയുധവുമായി ഇറാൻ

പുതിയ ആയുധങ്ങളും സാങ്കേതിക സംവിധാനങ്ങളും വികസിപ്പിച്ചെടുക്കുന്ന തിരക്കിലാണ് ഇറാൻ. ഇറാന്റെ ഇസ്‌ലാമിക് റെവലൂഷൻ ഗാർഡ്സ് കോർപ്സ് (ഐആർജിസി) 50 കിലോഗ്രാം പോർമുന ഘടിപ്പിച്ച ദീർഘദൂര, ഉയർന്ന കൃത്യതയുള്ള കാമികേസ് ഡ്രോൺ വിജയകരമായി പരീക്ഷിച്ചതായാണ് പുതിയ റിപ്പോർട്ട്.

ഐആർജിസിയുടെ ഗ്രൗണ്ട് ഫോഴ്‌സിന്റെ റിസർച്ച് ആൻഡ് സെൽഫ് സഫിസൻസി ജിഹാദ് ഓർഗനൈസേഷന്റെ തലവൻ അലി കൗഹെസ്താനി വാർത്താ ഏജൻസിയായ തസ്‌നിമിന് നൽകിയ അഭിമുഖത്തിലാണ് ഇക്കാര്യം വ്യക്തമാക്കിയത്. ‘മെരാജ് -532’ എന്ന് പേരിട്ടിരിക്കുന്ന ആളില്ലാ വിമാനത്തിന് (യുഎഇ) 450 കിലോമീറ്റർ പരിധിയില്‍ വരെ ആക്രമിക്കാൻ സാധിക്കും. കൂടാതെ 12,000 അടി ഉയരത്തിൽ മൂന്ന് മണിക്കൂർ തുടർച്ചയായി പറക്കാൻ കഴിവുണ്ടെന്നും കൗഹെസ്താനി പറഞ്ഞു.

Read more at: പൂര്‍ണ ചന്ദ്രനുദിക്കുന്ന ദിവസങ്ങളിൽ ആത്മഹത്യകള്‍ കൂടി, കാരണമെന്ത്?

കില്ലർ ഡ്രോണിൽ പിസ്റ്റൺ എൻജിൻ ഘടിപ്പിച്ചിട്ടുണ്ടെന്നും ചെറിയ വാഹനങ്ങളിൽ നിന്നു പോലും പറന്നുയരാൻ കഴിയുമെന്നും കൗഹെസ്താനി കൂട്ടിച്ചേർത്തു. യു‌എ‌വിക്ക് 50 കിലോഗ്രാം വാർ‌ഹെഡ് ഉണ്ടെന്നും അതിവേഗ ആക്രമണങ്ങൾ പ്രയോഗിക്കാന്‍ ഏറ്റവും മികച്ച ആയുധമാണെന്നുമാണ് റിപ്പോർട്ട്.

കഴിഞ്ഞ വർഷങ്ങളിൽ ഇറാൻ ഡ്രോൺ നിർമാണ മേഖലയിൽ കാര്യമായ പുരോഗതി കൈവരിച്ചിട്ടുണ്ട്. വിപുലമായ ദൗത്യങ്ങൾ നിർവഹിക്കാൻ ശേഷിയുള്ള ഡ്രോണുകളാണ് ഇറാൻ ഇപ്പോൾ നിർമിക്കുന്നത്.

English Summary: Iran 'successfully' tests kamikaze drone with 50-kg warhead: Official