പതിനായിരം രൂപ വില കുറഞ്ഞ് ആപ്പിള്‍ ഫോണുകൾ!; മോഡലുകൾ ഇവയൊക്കെ

ഏറെ പ്രതീക്ഷയോടെ കാത്തിരിക്കുന്ന ഐഫോൺ 15 സീരീസുകൾ 'വണ്ടർലസ്റ്റ്' ഇവന്റിൽ ഔദ്യോഗികമായി അവതരിപ്പിച്ചതോടെ മുൻ ഐഫോൺ മോഡലുകളുടെ വില കുറയ്ക്കുകയും ചില മോഡലുകൾ നിർത്തലാക്കുകയും ചെയ്തു ആപ്പിൾ. പുതിയ ഐഫോൺ സീരീസ് അവതരിപ്പിക്കുന്നതോടെ പഴയ മോഡലുകൾക്ക് വില കുറയുന്നത് സാധാരണമാണ്.

 

ഇപ്പോൾ ആപ്പിളിന്റെ ഔദ്യോഗിക വെബ്‌സൈറ്റിൽ പുതിയ വിലകൾ  ലഭ്യമാണ്. മുമ്പ് 79,900 രൂപ വിലയുണ്ടായിരുന്ന ഐഫോൺ 14 ന്റെ 128 ജിബി വേരിയന്റ് ഇപ്പോൾ 69,900 രൂപയ്ക്ക് ലഭ്യമാണ്. അതുപോലെ, 256 ജിബി വേരിയന്റിന് 89,900 രൂപയിൽ നിന്ന് 79,900 രൂപയായി കുറഞ്ഞു. ഏറ്റവും വലിയ സ്റ്റോറേജ് ഓപ്ഷനായ 512 ജിബി വേരിയന്റിന് യഥാർത്ഥ വിലയായ 1,09,900 രൂപയുമായി താരതമ്യം ചെയ്യുമ്പോൾ ഇപ്പോൾ 99,900 രൂപയാണ് വില.

 

iPhone 14

 

128GB: 79,900 രൂപയിൽ നിന്ന് 69,900 രൂപയായി കുറച്ചു

256GB: 89,900 രൂപയിൽ നിന്ന് 79,900 രൂപയായി കുറച്ചു

512GB: 109,900 രൂപയിൽ നിന്ന് 99,900 രൂപയായി കുറച്ചു

 

ഐഫോൺ 14 പ്ലസ്

 

128GB: 89,900 രൂപയിൽ നിന്ന് 79,900 രൂപയായി കുറച്ചു

256GB: 99,900 രൂപയിൽ നിന്ന് 89,900 രൂപയായി കുറച്ചു

512GB: 119,900 രൂപയിൽ നിന്ന് 109,900 രൂപയായി കുറഞ്ഞു

 

ഐഫോൺ 13

 

128GB: 69,900 രൂപയിൽ നിന്ന് 59,900 രൂപയായി കുറച്ചു

256GB: 79,900 രൂപയിൽ നിന്ന് 69,900 രൂപയായി കുറച്ചു

512GB: 99,900 രൂപയിൽ നിന്ന് 89,900 രൂപയായി കുറച്ചു

 

ഈ വിലകൾ ആപ്പിൾ വെബ്‌സൈറ്റിലാണെന്നും ആമസോൺ, ഫ്ലിപ്പ്കാർട്ട് തുടങ്ങിയ ഇ-കൊമേഴ്‌സ് പ്ലാറ്റ്‌ഫോമുകളിലെ യഥാർത്ഥ വിൽപ്പന വിലകൾ വ്യത്യാസപ്പെട്ടിരിക്കാം.   പഴയ ഐഫോണുകൾ വാങ്ങാൻ ഉചിതമായ സമയമായിരിക്കും ഇത്.  വിലക്കുറവിന് പുറമേ, iPhone 14 Pro, iPhone 14 Pro Max, മുമ്പത്തെ തലമുറ നോൺ-പ്രോ/പ്രോ വേരിയന്റുകൾ എന്നിവ നിർത്തലാക്കാനും ആപ്പിൾ തീരുമാനിട്ടു.

 

അതേസമയം ഏറ്റവും പുതിയ ഐഫോണ്‍ 15 പ്രോ മാക്‌സ് സീരിസിന്റെ വില തുടങ്ങുന്നത് 1,59,900 രൂപ മുതലാണ്. ടോപ് മോഡലിന് 1,99,900 രൂപ നല്‍കണം. ഐഫോണ്‍ 15 പ്രോ സീരിസിനും ഇന്ത്യയില്‍ വി ല വര്‍ദ്ധനയുണ്ട്. തുടക്ക വേരിയന്റിന് 1,34,900 രൂപ നല്‍കണം. അതേസമയം, ഐഫോണ്‍ 15 തുടക്ക വേരിയന്റിന്റെ വില 79,900 രൂപ ആയിരിക്കുമെങ്കില്‍ 15 പ്ലസിന് 89,900 രൂപ നല്‍കണം.

 

English Summary: Apple cuts prices for iPhone 14 Series post iPhone 15 launch