ലോകം 'വലയിലായ' കാൽ നൂറ്റാണ്ട്; സാങ്കേതിക ലോകത്തെ നാഴികക്കല്ലുകൾ
ഈ നൂറ്റാണ്ടിൽ സാങ്കേതിക വ്യവസായം അസാധാരണ പരിണാമത്തിനാണ് സാക്ഷ്യം വഹിച്ചത്. ക്വാണ്ടം കംപ്യൂട്ടറും എഐയും പോലെയുള്ള തകർപ്പൻ കണ്ടുപിടുത്തങ്ങൾ, ഇന്റർനെറ്റിന്റെ സാമൂഹിക സ്വാധീനവും സോഷ്യൽ മീഡിയ വിസ്ഫോടനവും, സിനിമ റിലീസുകള്‍ പോലെയുള്ള ലോഞ്ചിങ് ഇവന്റുകളും, ഗാഡ്ജറ്റുകളുടെ വൈവിധ്യമാർന്ന രൂപമാറ്റങ്ങൾക്കുമൊക്കെ
ഈ നൂറ്റാണ്ടിൽ സാങ്കേതിക വ്യവസായം അസാധാരണ പരിണാമത്തിനാണ് സാക്ഷ്യം വഹിച്ചത്. ക്വാണ്ടം കംപ്യൂട്ടറും എഐയും പോലെയുള്ള തകർപ്പൻ കണ്ടുപിടുത്തങ്ങൾ, ഇന്റർനെറ്റിന്റെ സാമൂഹിക സ്വാധീനവും സോഷ്യൽ മീഡിയ വിസ്ഫോടനവും, സിനിമ റിലീസുകള്‍ പോലെയുള്ള ലോഞ്ചിങ് ഇവന്റുകളും, ഗാഡ്ജറ്റുകളുടെ വൈവിധ്യമാർന്ന രൂപമാറ്റങ്ങൾക്കുമൊക്കെ
ഈ നൂറ്റാണ്ടിൽ സാങ്കേതിക വ്യവസായം അസാധാരണ പരിണാമത്തിനാണ് സാക്ഷ്യം വഹിച്ചത്. ക്വാണ്ടം കംപ്യൂട്ടറും എഐയും പോലെയുള്ള തകർപ്പൻ കണ്ടുപിടുത്തങ്ങൾ, ഇന്റർനെറ്റിന്റെ സാമൂഹിക സ്വാധീനവും സോഷ്യൽ മീഡിയ വിസ്ഫോടനവും, സിനിമ റിലീസുകള്‍ പോലെയുള്ള ലോഞ്ചിങ് ഇവന്റുകളും, ഗാഡ്ജറ്റുകളുടെ വൈവിധ്യമാർന്ന രൂപമാറ്റങ്ങൾക്കുമൊക്കെ
ഈ നൂറ്റാണ്ടിൽ സാങ്കേതിക വ്യവസായം അസാധാരണ പരിണാമത്തിനാണ് സാക്ഷ്യം വഹിച്ചത്. ക്വാണ്ടം കംപ്യൂട്ടറും എഐയും പോലെയുള്ള തകർപ്പൻ കണ്ടുപിടുത്തങ്ങൾ, ഇന്റർനെറ്റിന്റെ സാമൂഹിക സ്വാധീനവും സോഷ്യൽ മീഡിയ വിസ്ഫോടനവും, സിനിമ റിലീസുകള്‍ പോലെയുള്ള ലോഞ്ചിങ് ഇവന്റുകളും, ഗാഡ്ജറ്റുകളുടെ വൈവിധ്യമാർന്ന രൂപമാറ്റങ്ങൾക്കുമൊക്കെ നാം സാക്ഷ്യം വഹിച്ചു. കഴിഞ്ഞ രണ്ട് പതിറ്റാണ്ടുകളായും മാറി മാറി വരികയും ഒപ്പം ഇപ്പോഴും അനുനിമിഷം മാറ്റങ്ങളുമായി നമ്മുടെ ജീവിതത്തെ സ്വാധീനിക്കുന്ന സാങ്കേതിക രംഗത്തെ നാഴികക്കല്ലുകൾ പരിശോധിക്കാം.
ഡോട്ട്-കോം ബബിൾ ബസ്റ്റ് റിക്കവറി (2000–2003) : ഡോട്ട്-കോം ബബിൾ എന്നറിയപ്പെടുന്ന ടെക് ലോകത്തെ സാമ്പത്തിക പ്രതിസന്ധിയായിരുന്നു രണ്ടായിരമാണ്ടിന്റെ തുടക്കം ലോകം കണ്ടത്. പക്ഷേ അതിനുശേഷം സാങ്കേതിക വ്യവസായ രംഗം വീണ്ടും കുതിച്ചു. ടെക് സ്റ്റാർട്ടപ്പുകൾക്കു ലക്ഷ്യബോധം വർധിച്ചു. ആമസോൺ, ഇബേ പോലുള്ള കമ്പനികളുടെ വളർച്ചയും സാങ്കേതിക ആശയങ്ങളുടെ ഏകീകരണവും സാധ്യമായിത്തുടങ്ങി.
വൈഫൈ വിപുലീകരണം (2000) : വയർലെസ് ഇന്റർനെറ്റ് സംവിധാനം വ്യാപകമായി. 802.11 ബി എന്ന ടെക്നിക്കൽ സ്റ്റാൻഡേർഡ് അവതരിപ്പിച്ചതോടെ ഇന്റർനെറ്റ് ആക്സസ് ഏവർക്കും പ്രാപ്യമായി.
ഐപോഡ് ലോഞ്ച് (2001) : പോർട്ടബിൾ സംഗീതത്തിൽ വിപ്ലവവുമായി ആപ്പിൾ ഐപോഡ് വിപണിയിലെത്തിച്ചു.
ഹ്യൂമൻ ജീനോം പ്രോജക്റ്റ് (2003) : മുഴുവൻ മനുഷ്യ ജീനോമും മാപ്പ് ചെയ്തു, ജനിതകശാസ്ത്രത്തിലും വ്യക്തിഗത വൈദ്യശാസ്ത്രത്തിലും ഒരു മുന്നേറ്റത്തിനു കാരണമായി.
സോഷ്യൽ മീഡിയ വിസ്ഫോടനം (2004): സോഷ്യൽ മീഡിയ പ്ലാറ്റ്‌ഫോമുകൾ ആശയവിനിമയ സംവിധാനം മാത്രമല്ലാതെ, ആശയങ്ങളും രൂപാന്തരപ്പെടുത്താൻ തുടങ്ങി.
യുട്യൂബ് ലോഞ്ച് (2005) :ആഗോളതലത്തിൽ വി‍ഡിയോ പങ്കിടാനാകുന്ന ഒരു പ്ലാറ്റ്ഫോം വിപ്ലവകരമായി അവതരിപ്പിക്കപ്പെട്ടു.
ഐഫോൺ റിലീസ് (2007) : ആശയവിനിമയം, കംപ്യൂട്ടിങ്, വിനോദം എന്നിവ സംയോജിപ്പിച്ച് ഒരു ഉപകരണമാക്കി മാറ്റി ഐഫോൺ അവതരിപ്പിക്കപ്പെട്ടു. സ്മാർട് ഫോൺ യുഗത്തിന്റെ തുടക്കം.,
ക്ലൗഡ് കംപ്യൂട്ടിങ് (2006–2009) : ആമസോൺ വെബ് സേവനങ്ങളും (AWS) മറ്റുള്ളവരും ക്ലൗഡ് കംപ്യൂട്ടിങ് സംവിധാനം ആക്സസ് ചെയ്യാവുന്നതാക്കി, ആധുനിക സോഫ്‌റ്റ്‌വെയറുകളും സേവനങ്ങളും പ്രാപ്‌തമാക്കി.
4G നെറ്റ്‌വർക്കുകൾ റോൾഔട്ട് (2010) : മൊബൈൽ ഇന്റർനെറ്റ് വേഗം വർദ്ധിച്ചു
ആർട്ടിഫിഷ്യൽ ഇന്റലിജന്റ്സ്(2011) : എഐയുടെ സാധ്യതകളെപ്പറ്റി ചർച്ച ചെയ്യാനും പ്രാരംഭ പ്രവർത്തനങ്ങളും ആരംഭിച്ച കാലമായിരുന്നു.
വെർച്വൽ റിയാലിറ്റി റീസർജൻസ് (2012–2016) : ഒക്കുലസ് റിഫ്റ്റും മറ്റ് വിആർ ഉപകരണങ്ങളും ജനപ്രീതി നേടി.
സ്മാർട്ട് അസിസ്റ്റന്റ്സ് (2011–2014) : സിരി, ഗൂഗിൾ അസിസ്റ്റൻ്റ്, അലക്‌സ എന്നിവർ വോയ്‌സ് അധിഷ്‌ഠിത AI വീടുകളിൽ കൊണ്ടുവന്നു.
ബ്ലോക്ചെയ്ൻ ടെക്നോളജി (2015) : ബിറ്റ്‌കോയിനും ബ്ലോക്ക്‌ചെയിനും ശ്രദ്ധ നേടി.
പുനരുപയോഗിക്കാവുന്ന റോക്കറ്റുകൾ (2015) : സ്‌പേസ് എക്‌സിന്റെ ഫാൽക്കൺ 9 വിക്ഷേപിച്ചശേഷം വിജയകരമായി നിലത്തിറക്കി, ബഹിരാകാശ പര്യവേഷണം കൂടുതൽ ചെലവ് കുറഞ്ഞതാക്കി.
കോവിഡ് പാൻഡെമിക് ടെക് റെസ്‌പോൺസ് (2020) : കോവിഡിൽ ലോകമെങ്ങും ലോക്ഡൗണായതോടെ റിമോട്ട് വർക്ക് ടൂളുകൾ, ടെലിഹെൽത്ത് മേഖലയിലും പുരോഗതി വർദ്ധിച്ചു. ഒപ്പം വാക്‌സിൻ ടെക്‌നോളജിയിലും പുരോഗതി (ഉദാ, mRNA വാക്‌സിനുകൾ) കൈവരിച്ചു.
5ജി നെറ്റ്‌വർക്കുകൾ റോളൗട്ട് (2020–2023) : ഐഒടി, സ്മാർട്ട് സിറ്റികൾ, AR/VR ആപ്ലിക്കേഷനുകൾ എന്നിവയ്ക്കായി അൾട്രാ ഫാസ്റ്റ് കണക്റ്റിവിറ്റി പ്രവർത്തനക്ഷമമാക്കി.
വാണിജ്യ ബഹിരാകാശ യാത്ര (2021) : സ്‌പേസ് എക്‌സ്, ബ്ലൂ ഒറിജിൻ, വിർജിൻ ഗാലക്‌റ്റിക് എന്നിവ സ്വകാര്യ ബഹിരാകാശ പര്യവേക്ഷണത്തിൽ നിർണായക സ്ഥാനം കൈവരിച്ചു.
എഐ മുന്നേറ്റങ്ങൾ (2022–2024) : ചാറ്റ് ജിപിടി പോലെയുള്ള വലിയ ഭാഷാ മോഡലുകളുടെ വളർച്ചയുടെ കാലം.
ക്വാണ്ടം കംപ്യൂടിങ് മുന്നേറ്റങ്ങൾ (2023) : പരമ്പരാഗത കംപ്യൂട്ടര്‍ വിശകലന പ്രക്രിയയെ അടിമുടി മാറ്റിമറിക്കുന്ന ക്വാണ്ടം കംപ്യൂട്ടിങിലെ ഭാവി കണ്ടുപിടുത്തങ്ങൾക്ക് വഴിയൊരുക്കുന്ന നേട്ടങ്ങൾ കൈവരിച്ചു.
ഓഗ്‌മെന്റഡ് റിയാലിറ്റിയും മിക്സഡ് റിയാലിറ്റി ഉപകരണങ്ങളും (2022–2024) : ആപ്പിളിന്റെ വിഷൻ പ്രോ പോലുള്ള ഉപകരണങ്ങൾ ഇമ്മേഴ്‌സീവ് സാങ്കേതികവിദ്യ പുനർനിർവചിച്ചു.
സുസ്ഥിരത സാങ്കേതികവിദ്യകൾ (2020–2024) : ഇലക്ട്രിക് വാഹനങ്ങളുടെ വളർച്ച, സൗരോർജ്ജ ഉപയോഗം, കാർബൺ ക്യാപ്‌ചർ സാങ്കേതികവിദ്യയിലെ പുരോഗതി എന്നിവയാണ് ഏറ്റവും പുതിയതായി നാം കൈവരിച്ച നേട്ടങ്ങൾ.
കണ്ടത് മനോഹരം, കാണാത്തത് അതിമനോഹരം എന്നതുപോലെ സാങ്കേതിക വിദ്യയിലെ വിസ്മയങ്ങളും അതോടൊപ്പം ഡീപ്ഫെയ്ക്, എഐയുടെ ധാർമികതയുമൊക്കെ ആശങ്കയോടെയുമായിരിക്കും 2025ലേക്കു നാം ചുവടുവയ്ക്കുക.