latest vacancies

ഇന്ത്യൻ ഓവർസീസ് ബാങ്കിൽ 550 അപ്രന്റിസ് അവസരം; ബിരുദക്കാർക്ക് അവസരം, കേരളത്തിലും ഒഴിവ്

ഇന്ത്യൻ ഓവർസീസ് ബാങ്കിൽ 550അപ്രന്റിസ് അവസരം. കേരളത്തിൽ 24 ഒഴിവ്. സെപ്റ്റംബര്‍ 10 വരെ ഓൺലൈനായി അപേക്ഷിക്കാം. അപ്രന്റിസ് ആക്ട് 1961 പ്രകാരം ഒരു വർഷമാണു പരിശീലനം.

∙യോഗ്യത: ബിരുദം. അപേക്ഷിക്കുന്ന സംസ്ഥാനത്തെ പ്രാദേശികഭാഷയിൽ പ്രാവീണ്യം വേണം. യോഗ്യതാനന്തര പരിശീലനം/ജോലിപരിചയം നേടിയവർ അപേക്ഷിക്കേണ്ട.

∙പ്രായം: 20–28. പട്ടികവിഭാഗക്കാർക്ക് 5 വർഷം ഇളവ്. മറ്റു പിന്നാക്കവിഭാഗക്കാർക്കു മൂന്നും ഭിന്നശേഷിക്കാർക്കു പത്തും വർഷം ഇളവ്. വിധവകൾക്കും വിവാഹമോചിതരായ വനിതകൾക്കും ഇളവ് ലഭിക്കും.

യോഗ്യതയും പ്രായവും 2024 ഓഗസ്റ്റ് ഒന്ന് അടിസ്ഥാനമാക്കി കണക്കാക്കും.

∙സ്റ്റൈപൻഡ്: മെട്രോ ശാഖകളിൽ മാസം 15,000 രൂപ, അർബൻ ശാഖകളിൽ 12,000, റൂറൽ/സെമി അർബൻ ശാഖകളിൽ 10,000.

∙തിരഞ്ഞെടുപ്പ്: ഓൺലൈൻ പരീക്ഷ (ഒബ്ജെക്ടീവ്), ലോക്കൽ ലാംഗ്വേജ് ടെസ്റ്റ് എന്നിവയുടെ അടിസ്ഥാനത്തിൽ. പത്താം ക്ലാസ്/12–ാം ക്ലാസ് തലത്തിൽ ബന്ധപ്പെട്ട പ്രാദേശികഭാഷ പഠിച്ചെന്നു തെളിയിക്കുന്ന സർട്ടിഫിക്കറ്റ് (മാർക്ക് ഷീറ്റ്) ഹാജരാക്കുന്നവർക്ക് ലോക്കൽ ലാംഗ്വേജ് ടെസ്റ്റ് ബാധകമല്ല.

∙അപേക്ഷാഫീസ്: 800 രൂപ (പട്ടികവിഭാഗം/വനിതകൾക്ക് 600 രൂപ, ഭിന്നശേഷിക്കാർക്കു 400 രൂപ). ഓൺലൈനായി ഫീസ് അടയ്ക്കാം

∙അപേക്ഷ: അപേക്ഷകർ ആദ്യം www.nats.education.gov.in എന്ന അപ്രന്റിസ്ഷിപ് പോർട്ടൽ വഴി റജിസ്‌റ്റർ ചെയ്യണം. തുടർന്ന് എൻഎടിഎസ് എൻറോൾമെന്റ് നമ്പർ സഹിതം www.bfsissc.com എന്ന വെബ്സൈറ്റിലെ ഐഒബി അപ്രന്റിസ്ഷിപ് പ്രോഗ്രാമിലേക്ക് അപേക്ഷിക്കാം.

വിജ്ഞാപനത്തിന്റെ വിശദവിവരങ്ങൾക്ക്: www.iob.in