Activate your premium subscription today
ന്യൂഡൽഹി∙ 21,100 കോടി രൂപയുടെ പ്രതിരോധ ഇടപാടിന് കാബിനറ്റ് സുരക്ഷാ സമിതിയുടെ അംഗീകാരം. 100 കെ 9 വജ്ര ആർട്ടിലറി ഗണ്ണുകളും 12 സുഖോയ് 30 എംകെഐ യുദ്ധ വിമാനങ്ങൾ വാങ്ങുന്നതിനുമാണ് അനുമതി. കെ 9 വജ്ര വാങ്ങുന്നതിന് 7600 കോടി രൂപയാണ് ചെലവ്. ദക്ഷിണ കൊറിയൻ കമ്പനിയുമായി സഹകരിച്ച് എൽ അൻ‍ഡ് ടി ആണ് തോക്കുകൾ നിർമിക്കുന്നത്.
മുംബൈ ∙ തിരഞ്ഞെടുപ്പു ഫലം വന്ന് 20 ദിവസങ്ങൾ പിന്നിട്ടിട്ടും മന്ത്രിമാരെ നിശ്ചയിക്കാനോ വകുപ്പുകൾ വീതം വയ്ക്കാനോ മഹായുതിക്കു കഴിയാത്തതു സർക്കാരിനു നാണക്കേടാകുന്നു. മന്ത്രിസഭാ വികസനം നാളെ ഉണ്ടായേക്കുമെന്നാണു സൂചന. മുഖ്യമന്ത്രി ദേവേന്ദ്ര ഫഡ്നാവിസ് ഡൽഹിയിലെത്തി പ്രധാനമന്ത്രി നരേന്ദ്ര മോദി ഉൾപ്പെടെയുള്ള മുതിർന്ന ബിജെപി നേതാക്കളെ സന്ദർശിച്ചു.
ഖത്തറിൽ മാധ്യമ പ്രവർത്തനം, പ്രസിദ്ധീകരണങ്ങൾ, പരസ്യങ്ങൾ തുടങ്ങിയ മേഖലയെ നിയന്ത്രിക്കുന്ന പുതിയ നിയമം നടപ്പിലാക്കുന്നു. ഇതുമായി ബന്ധപ്പെട്ട കരട് നിയമത്തിന് കഴിഞ്ഞ ദിവസം ചേർന്ന ഖത്തർ മന്ത്രിസഭാ അംഗീകാരം നൽകി.
ദോഹ ∙ ഖത്തറിലെ ഉം അൽ ഷെയ്ഫ് ഏരിയയെ പ്രകൃതി സംരക്ഷണ കേന്ദ്രമായി പരിഗണിക്കുന്നതു സംബന്ധിച്ച കരട് തീരുമാനത്തിന് മന്ത്രിസഭയുടെ അംഗീകാരം.
തിരുവനന്തപുരം ∙ എല്ലാ സർക്കാർ ജീവനക്കാർക്കും വാർഷിക ആരോഗ്യ പരിശോധന ഏർപ്പെടുത്താൻ മന്ത്രിസഭ തീരുമാനിച്ചു. വിരമിക്കുന്നതിന് ഒരു മാസം മുൻപ് അച്ചടക്ക നടപടികൾ പൂർത്തിയാക്കാനും കേരള സർവീസ് ചട്ടങ്ങളും സബോർഡിനേറ്റ് സർവീസ് ചട്ടങ്ങളും പെരുമാറ്റച്ചട്ടങ്ങളും സംയോജിപ്പിച്ച് കേരള സിവിൽ സർവീസ് കോഡ് രൂപീകരിക്കാനും തീരുമാനിച്ചു.
തിരുവനന്തപുരം∙ മുനമ്പത്തെ ഭൂമി പ്രശ്നം പരിഹരിക്കുന്നതിനു ജുഡീഷ്യൽ കമ്മിഷനെ നിയമിച്ച തീരുമാനം ഇന്നത്തെ മന്ത്രിസഭാ യോഗത്തിൽ മുഖ്യമന്ത്രി വിശദീകരിക്കും. കമ്മിഷനെ നിയമിച്ചതുമായി ബന്ധപ്പെട്ടുള്ള വിജ്ഞാപനം സർക്കാർ ഇനിയും പുറത്തിറക്കിയിട്ടില്ല. വിഴിഞ്ഞം രാജ്യാന്തര തുറമുഖ പദ്ധതിയുടെ സപ്ലിമെന്ററി കൺസഷൻ കരാറിന്റെ കരട് മന്ത്രിസഭാ യോഗം പരിഗണിച്ചേക്കും. ആദ്യത്തെ കരാർ പ്രകാരം 2019 ഡിസംബറിൽ വാണിജ്യ പ്രവർത്തനം തുടങ്ങേണ്ടതായിരുന്നു. ഈ കാലാവധി 2024 ഡിസംബറിലേക്കു നീട്ടിയതുൾപ്പെടെയുള്ള വ്യവസ്ഥകൾ സപ്ലിമെന്ററി കരാറിലാണ് ഉൾപ്പെടുത്തേണ്ടത്. 2034ൽ സംസ്ഥാനത്തിനു വരുമാനവിഹിതം ലഭിച്ചുതുടങ്ങണമെങ്കിലും സപ്ലിമെന്ററി കരാർ നിർബന്ധം. ആർബിട്രേഷൻ കേസ് ഒത്തുതീർപ്പാക്കാൻ ധാരണയിലെത്തിയതല്ലാതെ സർക്കാരും അദാനിയുമായി ഈ കരാർ ഒപ്പിട്ടിരുന്നില്ല. സപ്ലിമെന്ററി കരാറിന്റെ കരടിനു മന്ത്രിസഭാ യോഗം അംഗീകാരം നൽകാതെ ഡിസംബർ ആദ്യവാരം തുറമുഖത്തിന്റെ കമ്മിഷനിങ് നടക്കില്ല. കരാർ ഈ മന്ത്രിസഭാ യോഗത്തിന്റെ പരിഗണനയ്ക്കു വയ്ക്കുമെന്നു മന്ത്രി വി.എൻ.വാസവനും വ്യക്തമാക്കിയിരുന്നു.
തിരുവനന്തപുരം ∙ വൻകിട സംരംഭങ്ങൾക്കായി സംസ്ഥാനത്ത് പ്രത്യേക നിക്ഷേപമേഖലകൾ (സ്പെഷൽ ഇൻവെസ്റ്റ്മെന്റ് റീജൻസ്) രൂപീകരിക്കാൻ നിയമം വരുന്നു. വിപുലമായ അധികാരങ്ങളോടെ സംസ്ഥാന, മേഖലാ തലങ്ങളിൽ ബോർഡുകൾ രൂപീകരിച്ചാകും ഇവയുടെ പ്രവർത്തനം. നിക്ഷേപ ലൈസൻസ് ഉൾപ്പെടെ എല്ലാ അനുമതികളും ബോർഡുകൾ നൽകും.
ഖത്തർ മന്ത്രിസഭ പുനഃസംഘടിപ്പിച്ചുകൊണ്ട് അമീർ ശൈഖ് തമീം ബിൻ ഹമദ് ആൽഥാനിയുടെ ഉത്തരവ്. അമീരി ഓർഡർ 2/ 2024 ലൂടെയാണ് അമീർ പുതിയ മന്ത്രിമാരെ നിയമിച്ചത്. വാണിജ്യ-വ്യവസായം, പൊതുജനാരോഗ്യം, വിദ്യഭ്യാസ-ഉന്നത വിദ്യഭ്യാസം, ഗതാഗതം, സാമൂഹിക ക്ഷേമം ഉൾപ്പെടെ സുപ്രധാന മന്ത്രാലയങ്ങളാണ് പുനഃസംഘടിപ്പിച്ചത്.
ജനുവരി 20നാണ് ട്രംപ് ഔദ്യോഗികമായി സത്യപ്രതിജ്ഞ ചെയ്ത് അധികാരമേല്‍ക്കുക. ട്രംപ് 2.0 ഭരണകൂടത്തിലെ പ്രമുഖ സ്ഥാനങ്ങളിലേക്ക് ഇന്ത്യന്‍ വംശജരായ നിരവധി ഉന്നത വ്യക്തികളെ പരിഗണിക്കുന്നതായാണ് യുഎസ് മാധ്യമങ്ങള്‍ റിപ്പോര്‍ട്ടു ചെയ്യുന്നത്. ഇവരിൽ വിവേക് രാമസ്വാമി, ബോബി ജിന്‍ഡാല്‍, കാഷ് പട്ടേല്‍ എന്നിവരും ഉള്‍പ്പെടുന്നു.
ബർലിൻ ∙ ഭരണസഖ്യത്തിലെ ഫ്രീ ഡെമോക്രാറ്റ്സ് പാർട്ടിയുടെ മന്ത്രിമാരെല്ലാം രാജിവച്ചതോടെ, ജർമനിയിൽ ചാൻസലർ ഒലാഫ് ഷോൾസിന്റെ നേതൃത്വത്തിലുള്ള മന്ത്രിസഭ തകർച്ചയിലേക്ക്. സർക്കാരിന്റെ നയത്തിൽ നിന്നു വ്യതിചലിച്ചതിന്റെ പേരിൽ ധനമന്ത്രി ഫ്രീ ഡെമോക്രാറ്റ്സ് പാർട്ടിയിലെ ക്രിസ്റ്റ്യൻ ലിൻഡ്നറെ ബുധനാഴ്ച മന്ത്രിസഭയിൽ നിന്ന് പുറത്താക്കിയതിനെ തുടർന്ന് പാർട്ടിയിലെ മറ്റു 3 മന്ത്രിമാരും രാജിവയ്ക്കുകയായിരുന്നു. ജനുവരി 15ന് മന്ത്രിസഭ വിശ്വാസവോട്ട് തേടുമെന്ന് ചാൻസലർ ഷോൾസ് അറിയിച്ചു.
Results 1-10 of 268
