Activate your premium subscription today
മൂന്നാർ∙ അറ്റകുറ്റപ്പണികൾക്കായി വർക്സ് ഷോപ്പിൽ കിടന്നിരുന്ന കാറിന്റെ നാലു ടയറുകൾ മോഷണം പോയി. മാട്ടുപ്പെട്ടി റോഡിൽ ഇരുപത്താറ് മുറിയിൽ പ്രവർത്തിക്കുന്ന വർക്സ് ഷോപ്പിൽ കിടന്ന ചെന്നൈ സ്വദേശി കാർത്തികേയന്റെ കാറിന്റെ അലോയ് ഉൾപ്പെടെയുള്ള ടയറുകളാണു മോഷണം പോയത്. ഞായർ രാത്രിയിലാണു മോഷണം നടന്നത്. ദേവികുളം സ്വദേശിയായ സുഹൃത്തിന്റെ വീട്ടിലെത്തിയതായിരുന്നു കാർത്തികേയൻ. വാഹനം കേടായതിനെ തുടർന്നാണു ഇരുപത്താറ് മുറിയിലെ ബിജുവിന്റെ വർക്സ് ഷോപ്പിൽ നൽകിയത്. ബിജുവിന്റെ പരാതിയെ തുടർന്ന് മൂന്നാർ പൊലീസ് കേസെടുത്തു.
മൂന്നാർ ∙ മൂന്നാറിൽ ശൈത്യകാലം ആരംഭിച്ചു. ഈ സീസണിലെ ഏറ്റവും താഴ്ന്ന താപനിലയായ 7 ഡിഗ്രി സെൽഷ്യസിൽ കുണ്ടള തണുപ്പറിഞ്ഞു. മൂന്നാർ ടൗൺ, നല്ലതണ്ണി എന്നിവിടങ്ങളിൽ 8 ഡിഗ്രി. രാത്രിയിലും പുലർച്ചെയുമാണു കൊടുംതണുപ്പ്. അതിരാവിലെ ചെടികളുടെ ഇലയിലും പുൽമേടുകളിലും മഞ്ഞുകണങ്ങൾ നിറഞ്ഞുനിൽക്കുകയാണ്. ഇതേ കാലാവസ്ഥ തുടർന്നാൽ ഒരാഴ്ചയ്ക്കുള്ളിൽ താപനില മൈനസിലെത്തുമെന്നാണു സൂചന. അതേസമയം പകൽച്ചൂട് 20 മുതൽ 25 ഡിഗ്രി സെൽഷ്യസ് വരെയാണു രേഖപ്പെടുത്തിയത്. ഈ മാസം 20 മുതൽ ജനുവരി 3 വരെ മൂന്നാറിലെ ഭൂരിപക്ഷം ഹോട്ടലുകളിലും റിസോർട്ടുകളിലും ബുക്കിങ് നടന്നിട്ടുണ്ട്.
മൂന്നാർ ∙ അടിച്ചാൽ തിരിച്ചടിക്കാൻ കഴിഞ്ഞില്ലെങ്കിൽ ദേഹം കടിച്ചുപറിക്കണമെന്ന ആഹ്വാനവുമായി എം.എം.മണി എംഎൽഎ രംഗത്ത്. മൂന്നാർ ടൗണിൽ നടന്ന സിപിഎം മൂന്നാർ ഏരിയ സമ്മേളനത്തിന്റെ സമാപന യോഗത്തിലാണ് എം.എം.മണി പ്രവർത്തകരോട് ഇക്കാര്യം ആവശ്യപ്പെട്ടത്.
വല്ലാതെ തണുപ്പുള്ള ചില രാത്രികളിൽ നമുക്ക് പെട്ടെന്ന് കയറാനുള്ള കൂടായിരുന്നു അത്. പട്ടാളത്തിൽ നിന്ന് ചിറ്റപ്പനോ ഉപ്പാപ്പനോ കൊണ്ടുവന്നതാകും. മുത്തശ്ശിയുടെ കമ്പിളി എന്ന ഊഷ്മള ലോകത്തേക്ക് ഉരുണ്ടുകയറാനുള്ള ആ സ്വാതന്ത്ര്യത്തിന്റെ പേരായിരുന്നു വാത്സല്യം. പിന്നെ കെട്ടിപ്പിടിച്ചൊരു ഉറക്കമാണ്. തലേന്നേ
രാജകുമാരി∙ ആനയിറങ്കൽ അണക്കെട്ട് നിറഞ്ഞ് വെള്ളം സ്പിൽവേയിലൂടെ കവിഞ്ഞൊഴുകി. ജലനിരപ്പ് 1207.02 മീറ്റർ പിന്നിട്ടതോടെയാണ് ഇന്നലെ ഉച്ചയോടെ അണക്കെട്ടിന്റെ 3 സ്പിൽവേകളിലൂടെ വെള്ളം പന്നിയാറിലേക്കൊഴുകാൻ തുടങ്ങിയത്. സാധാരണ ഒക്ടോബറിൽ തുലാമഴ ശക്തമാകുന്നതോടെ ജല സമൃദ്ധമാകുന്ന അണക്കെട്ടിൽ നിന്നു ഡിസംബറോടെയാണ് വെള്ളം കവിഞ്ഞൊഴുകുന്നത്. 2 ദിവസങ്ങളായി വൃഷ്ടിപ്രദേശത്ത് കനത്ത മഴ ലഭിച്ചിരുന്നു.
തൊടുപുഴ∙ ക്രിസ്മസ്, ന്യൂഇയർ സീസണിൽ ജില്ലയിലെ പ്രധാന വിനോദസഞ്ചാര കേന്ദ്രങ്ങളായ മൂന്നാർ, തേക്കടി, വാഗമൺ എന്നിവിടങ്ങളിലേക്ക് സഞ്ചാരികൾ ഒഴുകിയേക്കും. നിലവിൽ റിസോർട്ടുകളിലെയും ഹോട്ടലുകളിലെയും ബുക്കിങ്ങുകൾ സൂചിപ്പിക്കുന്നത് ഇതാണ്. കേരളത്തിന് പുറത്തുനിന്നുള്ള ആഭ്യന്തര സഞ്ചാരികളും വിദേശസഞ്ചാരികളും കൂടുതലായി എത്തുമെന്നാണ് പ്രതീക്ഷ. ഒട്ടേറെ ടൂറിസ്റ്റ് കേന്ദ്രങ്ങളുള്ള ജില്ലയിൽ ക്രിസ്മസ് സീസൺ തിരക്കേറിയതാകുമെന്ന പ്രതീക്ഷയിലാണ് ടൂറിസം മേഖലയിലെ വ്യാപാരികളും തൊഴിലാളികളും.
മൂന്നാർ ∙ ദേവികുളം ഗ്യാപ് റോഡിൽ പരസ്യ ചിത്രീകരണത്തിനായി ദേശീയപാതയിൽ ഗതാഗതം തടഞ്ഞതിനെത്തുടർന്നു യാത്രക്കാരും ഷൂട്ടിങ് സംഘവും തമ്മിൽ സംഘർഷം. ഇന്നലെ രാവിലെ ഇരുവശത്തുനിന്നും ഗതാഗതം തടഞ്ഞശേഷമായിരുന്നു ഷൂട്ടിങ്.
പൊതുവില്‍ പ്രശാന്തമായ മൂന്നാറിൽ ഡിസംബര്‍ ആദ്യ വാരം രാജ്യാന്തര തലത്തിലുള്ള ചര്‍ച്ചകള്‍ക്കും കൂട്ടായ്മകള്‍ക്കും വേദിയായി. കേരളത്തിലെ വിനോദ സഞ്ചാര വകുപ്പും യുഎന്‍ വനിതാ വിഭാഗവും ചേര്‍ന്നു സംഘടിപ്പിച്ച പ്രഥമ രാജ്യാന്തര വനിതാ കോണ്‍ഫറന്‍സിന്(ഗ്ലോബല്‍ വുമണ്‍സ് കോണ്‍ഫറന്‍സ്-ജിഡബ്ല്യുസി) വേദിയായത് ഗ്രാന്‍ഡ്
മൂന്നാർ∙ഇടമലക്കുടിയിൽ വിവിധ അപകടങ്ങളിൽ പെടുന്നവരെ ചാക്കിലും തുണിയിലും കിടത്തി ചുമന്നു കൊണ്ടു പോകുന്ന പ്രാകൃത നടപടികൾ അവസാനിപ്പിക്കണമെന്നു താലൂക്ക് വികസന സമിതി യോഗത്തിൽ ആവശ്യം. കഴിഞ്ഞ ദിവസം നടന്ന യോഗത്തിലാണു ജനപ്രതിനിധികളും പൊലീസ് ഉൾപ്പെടെയുള്ള ഉദ്യോഗസ്ഥരും ഈ ആവശ്യമുന്നയിച്ചത്.വന്യമൃഗങ്ങളുടെ
മൂന്നാർ∙ ജനവാസ മേഖലയിൽ പുതിയതായെത്തിയ കാട്ടാനക്കൂട്ടങ്ങളെ ഉൾവനത്തിലേക്ക് തുരത്തുന്നതിനുള്ള നടപടികൾ വനം വകുപ്പ് തുടങ്ങി. പഴയ മൂന്നാർ, രാജമല, പെട്ടിമുടി എന്നിവിടങ്ങളിലാണ് പുതിയ കാട്ടാന സംഘങ്ങളെത്തിയത്. പഴയ മൂന്നാറിൽ കുട്ടിയടക്കം ഏഴും പെട്ടിമുടിയിൽ കൊമ്പന്മാരടക്കം ഒൻപതും ആനകളടങ്ങുന്ന സംഘമാണ് പുതിയതായി എത്തിയത്. പഴയ മൂന്നാർ മേഖലയിൽ രണ്ടു ദിവസമായി ഇറങ്ങിയ കാട്ടാനകളെ ഡ്രോൺ ഉപയോഗിച്ചു നിരീക്ഷിച്ച ശേഷമാണ് നാഗർമുടി മേഖലയിലെ ഉൾക്കാട്ടിലേക്ക് തുരത്താൻ തുടങ്ങിയത്.
Results 1-10 of 373
