Activate your premium subscription today
ധാരാളം പുണ്യ നഗരങ്ങളും ആത്മീയ ആരാധനാലയങ്ങളും ആയിരക്കണക്കിന് ക്ഷേത്രങ്ങളാലും നിറഞ്ഞ നമ്മുടെ രാജ്യത്ത് ചില വിചിത്രവും അദ്ഭുതാവഹകവുമായ ക്ഷേത്രങ്ങളുണ്ട്. സൂര്യൻ നട്ടുച്ചയ്ക്ക് ഉച്ചിയിൽ വന്നു നിന്നാലും നിലത്തു നിഴൽ വീഴാത്ത ക്ഷേത്രം, ആർത്തവം ആരാധനയായി കാണുന്ന ആരാധനാലം അങ്ങനെ പറഞ്ഞാലും അറിഞ്ഞാലും തീരാത്തത്ര നിഗൂഢവും വിചിത്രവുമായ ആചാരങ്ങളും അനുഷ്ഠാനങ്ങളും വാസ്തുവിദ്യാ അദ്ഭുതവുമെല്ലാം നിറഞ്ഞതാണ് നമ്മുടെ മിക്ക ക്ഷേത്രങ്ങളും. ഇന്ത്യയിലെ നിഗൂഡമായ ചില ക്ഷേത്രങ്ങളുടെ വിശേഷങ്ങൾ തുടർന്ന് വായിക്കാം.
ഗുവാഹത്തി ∙ സർക്കാരിലെ ഗ്രേഡ് 3 തസ്തികകളിലേക്കുള്ള എഴുത്തുപരീക്ഷ നടക്കുന്ന ഇന്ന് അസമിൽ മൊബൈൽ ഫോണിലെ ഇന്റർനെറ്റിനു നിരോധനമേർപ്പെടുത്തി. പരീക്ഷ നടക്കുന്ന രാവിലെ 10 മുതൽ 1.30 വരെയാണു നിരോധനം. 2305 കേന്ദ്രങ്ങളിലായി 11.23 ലക്ഷം പേർ എഴുതുന്ന പരീക്ഷയുടെ സുതാര്യത ഉറപ്പാക്കാനാണു നടപടിയെന്ന് സംസ്ഥാന സർക്കാർ വിശദീകരിച്ചു. മൊബൈൽ ഫോണിലെ വോയ്സ് കോളിനും ലാൻഡ്ഫോൺ ഉപയോഗിച്ചുള്ള ബ്രോഡ്ബാൻഡ് ഇന്റർനെറ്റിനും നിരോധനമില്ല.
ഗുവാഹത്തി ∙ മുസ്‌ലിംകളുടെ വിവാഹത്തിനും വിവാഹമോചനത്തിനും സർക്കാർ റജിസ്ട്രേഷൻ നിർബന്ധമാക്കുന്ന ബിൽ അസം നിയമസഭ പാസാക്കി. റവന്യു മന്ത്രി ജോഗെൻ മോഹൻ ആണ് ബിൽ അവതരിപ്പിച്ചത്. പള്ളി ഖാസിമാർ റജിസ്റ്റർ ചെയ്ത വിവാഹങ്ങൾ സാധുവാണെന്നും പുതിയവയ്ക്കു മാത്രമാണ് നിയമം ബാധകമെന്നും മുഖ്യമന്ത്രി ഹിമന്ത ബിശ്വാസ് ശർമ വിശദീകരിച്ചു.
തിരുവനന്തപുരം ∙ കണ്ണീരോടെ വാരിപ്പുണർന്ന അച്ഛനോടു ചേർന്നുനിന്ന് അവൾ അമ്മയെ നോക്കി. അടുത്തു നിന്ന 2 സഹോദരിമാരെയും. സങ്കടം തുളുമ്പി നിന്ന അന്തരീക്ഷത്തിലും അസം ബാലിക തന്റെ അഭിപ്രായത്തിൽ ഉറച്ചു നിന്നു. ‘വീട്ടിലേക്കു പോകേണ്ട’. വീടുവിട്ടിറങ്ങിയ പതിമൂന്നുകാരിയെ അച്ഛനും അമ്മയും സഹോദരിമാരും കണ്ട നിമിഷങ്ങൾ ഇങ്ങനെയായിരുന്നു. വിശാഖപട്ടണത്ത് നിന്ന് കണ്ടെത്തിയ കുട്ടിയെ ഞായറാഴ്ച രാത്രി തലസ്ഥാനത്ത് എത്തിച്ചു. ഇന്നലെ പൂജപ്പുര ചൈൽഡ് വെൽഫെയർ കമ്മിറ്റിയുടെ (സിഡബ്ല്യുസി) സിറ്റിങ്ങിൽ ഹാജരാക്കി.
ഗുവാഹത്തി∙ അസമിലെ ധിങ്ങിൽ 14 വയസ്സുകാരിയെ കൂട്ടബലാത്സംഗം ചെയ്ത കേസിലെ മൂന്നു പ്രതികളിൽ ഒരാൾ ശനിയാഴ്ച പുലർച്ചെ കുളത്തിൽ ചാടി മരിച്ചു. വെള്ളിയാഴ്ച അറസ്റ്റിലായ മുഖ്യപ്രതി തഫാസുൽ ഇസ്ലാമാണ് പൊലീസ് കസ്റ്റഡിയിൽ നിന്നു രക്ഷപ്പെട്ട് ഓടുന്നതിനിടെ കുളത്തിൽ ചാടി മരിച്ചത്. കൂട്ടബലാത്സംഗത്തിൽ പ്രതിഷേധിച്ച് സംസ്ഥാനത്ത് പ്രക്ഷോഭം വ്യാപകമാകുന്ന ഘട്ടത്തിലാണ് മുഖ്യപ്രതിയുടെ മരണം.
തിരുവനന്തപുരം∙ കഴക്കൂട്ടത്തു നിന്നു കാണാതായ പതിമൂന്നുകാരി അസം ബാലികയെ വിശാഖപട്ടണത്തു നിന്ന് മറ്റന്നാൾ തിരികെയെത്തിക്കും. ഇപ്പോൾ വിശാഖപട്ടണത്ത് ഒബ്സർവേഷൻ ഹോമിൽ സംരക്ഷണയിലുള്ള കുട്ടിയെ തിരുവനന്തപുരത്ത് നിന്നു പോയ പൊലീസ് സംഘത്തിനു ഇന്ന് ഉച്ചയോടെ കൈമാറും.
തിരുവനന്തപുരം∙ ഒന്നര ദിവസം നീണ്ട തിരച്ചിലിനൊടുവിൽ, ഇന്നലെ രാത്രി പത്തരയോടെയാണ് കുട്ടിയെ കണ്ടെത്തിയെന്ന സന്തോഷവാർത്ത പിതാവിനെ പൊലീസ് വിളിച്ചറിയിച്ചത്. മകളെ തിരിച്ചുകിട്ടാൻ അമ്മ ചൊല്ലിയ പ്രാർഥനകൾക്കുള്ള ഉത്തരമായിരുന്നു അത്. ശകാരിക്കുന്നതിനിടെ മകളെ അടിച്ചതിന്റെ വേദനയിൽ വെന്തുരുകുകയായിരുന്നു അമ്മ.
തിരുവനന്തപുരം∙ കഴക്കൂട്ടത്തുനിന്ന് കാണാതായ അസം സ്വദേശിയായ 13 വയസ്സുകാരിക്കായി തിരച്ചിൽ തുടരുകയാണ്. തമിഴ്നാട് കേന്ദ്രീകരിച്ചാണ് അന്വേഷണം നടക്കുന്നത്. ഇന്നലെ രാവിലെ പത്തരയോടെയാണ് കഴക്കൂട്ടത്തെ വീട്ടിൽനിന്ന് പെൺകുട്ടിയെ കാണാതായത്.
തിരുവനന്തപുരം∙ പെണ്‍കുട്ടിയുടെ കുടുംബം കേരളത്തിലെത്തിയിട്ട് ഒരു മാസം മാത്രമേ ആയിട്ടുള്ളുവെന്നു റിപ്പോര്‍ട്ട്. അസമില്‍നിന്ന് കേരളത്തിലേക്കാണ് ആദ്യമായി പെണ്‍കുട്ടി ട്രെയിന്‍ യാത്ര നടത്തിയതെന്ന് പിതാവ് പറഞ്ഞു. കാണാതെയാകുമ്പോള്‍ താന്‍ വീട്ടിലില്ലായിരുന്നുവെന്നു പെണ്‍കുട്ടിയുടെ അമ്മയും വെളിപ്പെടുത്തി. പെണ്‍കുട്ടിയെക്കൂടാതെ മൂന്ന് മക്കളാണ് ഇവര്‍ക്കുള്ളത്. മൂത്ത മകന്‍ ചെന്നൈയിലാണു ജോലി ചെയ്യുന്നതെന്നും കുടുംബം പറയുന്നു.
തിരുവനന്തപുരം ∙ കഴക്കൂട്ടത്തു നിന്നു കാണാതായ അസം സ്വദേശിയായ പതിമൂന്നുകാരി ഇന്നലെ ഉച്ചയ്ക്ക് ബാംഗ്ലൂർ – കന്യാകുമാരി ട്രെയിനിൽ യാത്ര ചെയ്യുന്ന ദൃശ്യം ലഭിച്ചു. ഇതേതുടർന്ന് തമിഴ്നാട് കേന്ദ്രീകരിച്ച് പൊലീസ് അന്വേഷണം ആരംഭിച്ചു. ഉച്ചയ്ക്ക് ഒരു മണിയോടെ തമ്പാനൂരിൽ നിന്നാണ് കുട്ടി ട്രെയിനിൽ കയറിയത്. ട്രെയിനിൽ ഇരുന്നു കരഞ്ഞുകൊണ്ട് യാത്ര ചെയ്യുന്ന പെൺകുട്ടിയെ കണ്ട് സഹയാത്രക്കാരി ബബിതയാണ് ഫോട്ടോയെടുത്തത്. നെയ്യറ്റിൻകരയിൽ വച്ചാണ് യാത്രക്കാരി കുട്ടിയുടെ ഫോട്ടോ എടുത്തത്. നാൽപതു രൂപ പെൺകുട്ടിയുടെ കൈയ്യിൽ ഉണ്ടായിരുന്നതായി യാത്രക്കാരി പൊലീസിനെ അറിയിച്ചു. ഇവർ നെയ്യാറ്റിൻകരയിലാണ് ഇറങ്ങിയത്.
Results 1-10 of 336
