Activate your premium subscription today
ചെന്നൈ ∙ തയ്‌വാൻ കമ്പനിയായ ഹോങ് പൂ 1,500 കോടി രൂപ മുതൽമുടക്കിൽ സ്ഥാപിക്കുന്ന പുതിയ ഷൂ ഫാക്ടറിക്കു തമിഴ്നാട് മുഖ്യമന്ത്രി എം.കെ.സ്റ്റാലിൻ തറക്കല്ലിട്ടു. റാണിപ്പെട്ട് പന്നപ്പാക്കത്ത് സിപ്‌കോട്ട് ഇൻഡസ്ട്രിയൽ എസ്റ്റേറ്റിലെ 200 ഏക്കർ സ്ഥലത്തു നിർമിക്കുന്ന ഈ ഫാക്ടറി 25,000 പേർക്ക് തൊഴിലവസരം ഒരുക്കും.
ചെന്നൈ ∙ അഭിപ്രായ സ്വാതന്ത്ര്യത്തിനുള്ള അവകാശത്തിന്റെ പേരിൽ മര്യാദയുടെ അതിരുകൾ മറികടക്കരുതെന്നു മദ്രാസ് ഹൈക്കോടതി പറഞ്ഞു. മുഖ്യമന്ത്രി എം.കെ.സ്റ്റാലിനും കുടുംബാംഗങ്ങൾക്കും ചില മന്ത്രിമാർക്കുമെതിരെ അപകീർത്തികരമായ പരാമർശങ്ങൾ നടത്തിയതിനു ക്രിമിനൽ നടപടി നേരിടുന്ന അണ്ണാഡിഎംകെ നേതാവിന്റെ മുൻകൂർ ജാമ്യഹർജി തള്ളിയാണു കോടതിയുടെ നിരീക്ഷണം.
മുല്ലപ്പെരിയാര്‍ അറ്റകുറ്റപ്പണികള്‍ക്ക് ഒടുവില്‍ തമിഴ്‌നാടിന് അനുമതി നല്‍കി കേരളം. അണക്കെട്ടിന്റെ അറ്റകുറ്റപ്പണിക്ക് എത്തിയ തമിഴ്നാട് സംഘത്തെ കേരള വനംവകുപ്പ് തടഞ്ഞത് വിവാദമായിരുന്നു. വിഷയം തമിഴ്നാട് മുഖ്യമന്ത്രി എം.കെ.സ്റ്റാലിന്‍ കേരളസന്ദര്‍ശന വേളയില്‍ മുഖ്യമന്ത്രി പിണറായി വിജയനുമായി ചര്‍ച്ച നടത്തുമെന്ന് തമിഴ്നാട് ജലവിഭവ മന്ത്രി ദുരൈമുരുകന്‍ നിയമസഭയില്‍ പറഞ്ഞിരുന്നു.
ലോക ചെസ് ചാംപ്യൻഷിപ്പിൽ ചൈനീസ് താരം ഡിങ് ലിറനെ വീഴ്ത്തി ജേതാവായ ഇന്ത്യയുടെ ദൊമ്മരാജു ഗുകേഷിന് സമ്മാനപ്പെരുമഴ. ഗുകേഷിന്റെ മാതൃസംസ്ഥാനമായ തമിഴ്നാട്, താരത്തിന്റെ നേട്ടത്തിനുള്ള പ്രോത്സാഹനമായി 5 കോടി രൂപ സമ്മാനം പ്രഖ്യാപിച്ചു. തമിഴ്നാട് മുഖ്യമന്ത്രി എം.കെ. സ്റ്റാലിനാണ് പ്രഖ്യാപനം നടത്തിയത്.
വൈക്കം ∙ എം.കെ.സ്റ്റാലിന്റെ ചിത്രം അദ്ദേഹത്തിന് സമ്മാനിച്ച് വൈക്കം സ്വദേശിയായ വിദ്യാർഥി ആൽഫിൻ ജെ.തൂഫാൻ. വൈക്കം ചേരുംചുവട് വാഴക്കടവിൽ ജോയി കൃഷ്ണയുടെ മകനായ ആൽഫിൻ ആശ്രമം സ്കൂളിലെ 7–ാംക്ലാസ് വിദ്യാർഥിയാണ്. ഡിജിറ്റൽ പെയ്ന്റിങ്ങാണു സമ്മാനിച്ചത്. 16 ദിവസം കൊണ്ടാണ് ചിത്രം വരച്ച് തീർത്തത്. 2 ദിവസം മുൻപു
കോട്ടയം∙ വൈക്കം കായലിലോളം കാണുമ്പോൾ അൻപുറ്റ മണിമാരനെ കാത്തിരുന്ന നായികയെപ്പോലെയായിരുന്നു തമിഴ്നാട് മുഖ്യമന്ത്രിക്കു വേണ്ടിയുള്ള ആ കാത്തിരിപ്പ്. തന്തൈ പെരിയാർ വൈക്കം സത്യഗ്രഹത്തിൽ പങ്കെടുത്തതിന്റെ നൂറാം വാർ‌ഷിക ആഘോഷങ്ങളുടെ സമാപന സമ്മേളനം ആയിരുന്നു വേദി. വൈക്കം കായലിനോട് ചേർന്നു കിടക്കുന്ന വേദിയിൽ നേരം പുലർന്നപ്പോൾത്തന്നെ എത്തിയത് ആയിരങ്ങൾ.
കോട്ടയം ∙ വൈക്കം പ്രക്ഷോഭത്തിന്റെ ശതാബ്ദി ആഘോഷിക്കുന്നത് സമരവീരന്മാരെ ആദരിക്കാൻ വേണ്ടി മാത്രമല്ല, അവർ സ്വപ്‌നം കണ്ട സാമൂഹികസമത്വം സൃഷ്ടിക്കാനുള്ള നമ്മുടെ കടമയെ ഓർമിപ്പിക്കാൻ കൂടിയാണെന്നു തമിഴ്നാട് മുഖ്യമന്ത്രി എം.കെ. സ്റ്റാലിൻ. തന്തൈ പെരിയാർ സ്മാരകം, പെരിയാർ ഗ്രന്ഥശാല എന്നിവയുടെ ഉദ്ഘാടന സമ്മേളനത്തിൽ പ്രസംഗിക്കുകയായിരുന്നു അദ്ദേഹം.
നൂറാണ്ടിനുമുൻപ് വൈക്കം കൊളുത്തിയ നവോത്ഥാന ദീപം ഇപ്പോഴും ദീപ്തി ചൊരിഞ്ഞുകൊണ്ടേയിരിക്കുന്നു. ജീവിതത്തിന്റെ പുറമ്പോക്കുകളിൽ നിസ്സഹായരായി കഴിയേണ്ടിവന്ന വലിയൊരു വിഭാഗം ജനതയ്ക്കു വൈക്കം സത്യഗ്രഹത്തിന്റെ ചരിത്രവിജയം ആത്മവിശ്വാസത്തിന്റെയും സ്വാതന്ത്ര്യത്തിന്റെയും പുതുലോകത്തേക്കു വാതിൽ തുറക്കുകയായിരുന്നു. തമിഴ്നാട് സർക്കാരിന്റെ വൈക്കം സത്യഗ്രഹ ശതാബ്ദി ആഘോഷ സമാപന വേളയാണിത്. വൈക്കം സത്യഗ്രഹത്തിന് ആവേശം പകർന്ന പെരിയാർ ഇ.വി.രാമസ്വാമി നായ്ക്കരുടെ ഓർമയിൽ, നവീകരിച്ച തന്തൈ പെരിയാർ സ്മാരകത്തിന്റെ ഉദ്ഘാടനവും ഇന്നു നടക്കുന്നു.
കോട്ടയം ∙ എല്ലാ വേർതിരിവും നിയമം കൊണ്ടു മാറ്റാനാകില്ലെന്നും ജനങ്ങളുടെ മനസ്സും മാറണമെന്നും എന്തു വില കൊടുത്തും സമത്വ സമൂഹം സ്ഥാപിക്കുമെന്നും തമിഴ്നാട് മുഖ്യമന്ത്രി എം.കെ.സ്റ്റാലിൻ. നവീകരിച്ച തന്തൈ പെരിയാർ സ്മാരകത്തിന്റെ ഉദ്ഘാടനവും തമിഴ്നാട് സർക്കാരിന്റെ വൈക്കം സത്യഗ്രഹ ശതാബ്ദി ആഘോഷങ്ങളുടെ സമാപനവും ഉദ്ഘാടനം ചെയ്യുകയായിരുന്നു അദ്ദേഹം. കേരളവും തമിഴ്നാടും പരസ്പരം കൈത്താങ്ങാവുകയാണെന്നും സഹകരണ ഫെഡറലിസത്തിന്റെ യഥാർഥ ദൃഷ്ടാന്തമാണ് ഇരു സംസ്ഥാനങ്ങളും മുന്നോട്ടുവയ്ക്കുന്നതെന്നും ചടങ്ങിൽ അധ്യക്ഷനായ മുഖ്യമന്ത്രി പിണറായി വിജയൻ പറഞ്ഞു.
വൈക്കം ∙ നവീകരിച്ച തന്തൈ പെരിയാർ സ്മാരകത്തിന്റെ ഉദ്ഘാടനം ഇന്നു രാവിലെ 10നു നടക്കുമ്പോൾ വൈക്കം കേരള, തമിഴ്നാട് സർക്കാരുകളുടെ സംഗമവേദിയാകും. സ്മാരകത്തിന്റെയും ഇതിനോടനുബന്ധിച്ചുള്ള ലൈബ്രറിയുടെയും ഉദ്ഘാടനം തമിഴ്നാട് മുഖ്യമന്ത്രി എം.കെ.സ്റ്റാലിൻ നിർവഹിക്കും. മുഖ്യമന്ത്രി പിണറായി വിജയൻ അധ്യക്ഷത വഹിക്കും.
Results 1-10 of 513
