പാരാമെഡിക്കൽ ബിരുദം
കേരളത്തിലെ സർക്കാർ / സ്വാശ്രയ കോളജുകളിൽ താഴെപ്പറയുന്ന 12 ബിരുദകോഴ്‌സുകളിലെ പ്രവേശനം 12ലെ മാർക്ക് ആധാരമാക്കിയായിരിക്കും. എൻട്രൻസ് പരീക്ഷയില്ല
കേരള ആരോഗ്യ സർവകലാശാല തുടക്കം കുറിച്ച പുതിയ കോഴ്സുകൾക്കു സർക്കാർ അംഗീകാരത്തോടെ പ്രവേശനവിജ്ഞാപനം വേറെ പ്രസിദ്ധപ്പെടുത്തി, അലോട്മെന്റ് നടത്തും
2023 പ്രവേശനത്തിലെ സ്ഥാപനങ്ങളും സീറ്റും കോഴ്സ് തിരിച്ച് പ്രോസ്പെക്ടസിന്റെ ഒന്നാം അനുബന്ധത്തിലുണ്ട്. ഈ വർഷത്തെ കൃത്യസംഖ്യ പിന്നീട് അറിയിക്കും
കേരളീയർക്കാണ് പ്രവേശനത്തിന് അർഹത. പിഐഒ, ഒസിഐ വിഭാഗക്കാരെയും പരിഗണിക്കുമെങ്കിലും സംവരണമില്ല
ഫിസിക്‌സ്, കെമിസ്‌ട്രി, ബയോളജി എന്നിവയ്‌ക്കു മൊത്തം 50% മാർക്കോടെ പ്ലസ്‌ടു
ബിഎ എസ്‌എൽപി കോഴ്‌സിന് ഫിസിക്‌സ്, കെമിസ്‌ട്രി എന്നിവയ്‌ക്കു പുറമേ ബയോളജി / മാത്‌സ് / കംപ്യൂട്ടർ സയൻസ് / സ്‌റ്റാറ്റിസ്‌റ്റിക്‌സ് / ഇലക്‌ട്രോണിക്‌സ് / സൈക്കോളജി ഇവയിലൊന്നും ചേർത്ത് 50% മാർക്കോടെ പ്ലസ്‌ടു വേണം
സർക്കാർ സീറ്റുകൾ: എൽബിഎസ് ഡയറക്‌ടർ അലോട്ട് ചെയ്യുന്ന സീറ്റുകൾ. സർക്കാർ കോളജുകൾ, സർക്കാർ നിയന്ത്രിത സ്വാശ്രയ കോളജുകൾ, സർക്കാരുമായി കരാറിലേർപ്പെടുന്ന സ്വകാര്യ സ്വാശ്രയ കോളജുകൾ (50%) എന്നിവയിൽ സർക്കാർ സീറ്റുകളുണ്ട്