ഉന്നതപഠനത്തിനുള്ള വിവിധ പ്രവേശന പരീക്ഷകൾ പൂർത്തിയായിക്കഴിഞ്ഞു.

എൻജിനീയറിങ് (ജെഇഇ മെയിൻ), മെഡിക്കൽ (നീറ്റ്–യുജി) ഉൾപ്പെടെയുള്ള പരീക്ഷകളുടെ ഫലം പുറത്തുവന്നു.

സിയുഇടി–യുജി പരീക്ഷയുടെ ഫലം രണ്ടാഴ്ചയ്ക്കുള്ളിൽ പ്രസിദ്ധീകരിക്കുമെന്നാണു വിവരം.

ഐഐടി, എൻഐടി, ഐഐഐടി തുടങ്ങിയ സ്ഥാപനങ്ങളിലെ ബിടെക്, ബിഇ പ്രവേശനത്തിനുള്ള ജോസ റജിസ്ട്രേഷനും ചോയ്സ് ഫില്ലിങ്ങും 10ന് ആരംഭിക്കും.

ആർക്കിടെക്ചർ ആപ്റ്റിറ്റ്യൂഡ് ടെസ്റ്റ് വിജയിച്ചവർക്കു 14 മുതൽ റജിസ്റ്റർ ചെയ്യാം.

ഐഐടി പ്രവേശനത്തിനുള്ള ജെഇഇ അഡ്വാൻസ്ഡ് പരീക്ഷയുടെ ഫലം 9നാണു പ്രസിദ്ധീകരിക്കുക.

ഒന്നാംവർഷ എൻജിനീയറിങ് ക്ലാസുകൾ സെപ്റ്റംബർ 15നു മുൻപ് ആരംഭിക്കണമെന്നാണു സാങ്കേതിക വിദ്യാഭ്യാസ കൗൺസിലിന്റെ നിർദേശം.