ഐഐടി/ എൻഐടി/ ഐഐഐടി എന്നിവ ഉൾപ്പെടെ 121 സ്ഥാപനങ്ങളിലെ ബിടെക്, ബിഇ, ബിആർക്, ബി പ്ലാനിങ്, 5 വർഷ എംടെക് / എംഎസ്‌സി, 4 വർഷ ബിഎസ് പ്രോഗ്രാമുകളിലെ പ്രവേശനത്തിനുള്ള ആദ്യറൗണ്ട് അലോട്മെന്റ് ‘ജോസ’ പ്രഖ്യാപിച്ചു.

ഓൺലൈൻ റിപ്പോർട്ടിങ് അടക്കമുള്ള നടപടിക്രമങ്ങൾ ശ്രദ്ധയോടെ ചെയ്യണം.

ആദ്യം ജോസ സൈറ്റിലെത്തി നിങ്ങൾക്ക് അലോട്മെന്റുണ്ടോയെന്നു പരിശോധിക്കുക. ഇതു താൽക്കാലിക അലോട്മെന്റാണ്.

ഇനിഷ്യൽ സീറ്റ് അലോട്മെന്റ് ഇന്റിമേഷൻ സ്ലിപ്’ ഡൗൺലോഡ് ചെയ്യുക. ഇതിൽ അലോട്മെന്റ് വിവരങ്ങളും തുടർനടപടികളെക്കുറിച്ചുള്ള വിവരങ്ങളുമുണ്ടാകും.

സീറ്റ് സ്വീകരിച്ച്, തുടർറൗണ്ടുകളിലേക്കുള്ള ഫ്രീസ്, ഫ്ലോട്ട്, സ്ലൈഡ് ഇവയിലൊന്നു തിരഞ്ഞെടുക്കുക.

ആദ്യ ചോയ്സ് കിട്ടിക്കഴിഞ്ഞാൽ പിന്നീട് ‌ഫ്ലോട്ടോ സ്ലൈഡോ ഇല്ല. അലോട്മെന്റിന് ഐഐടിക്ക് 5 റൗണ്ടും മറ്റെല്ലാറ്റിനും 6 റൗണ്ടുമുണ്ട്.

അപ്‌ലോഡ് ചെയ്ത രേഖകൾ സംബന്ധിച്ചു പ്രവേശനാധികാരികൾ ചോദ്യങ്ങളുന്നയിച്ചിട്ടുണ്ടോയെന്നു സൈറ്റിൽ ഇടയ്ക്കിടെ നോക്കുക.