നിസാരമെന്നു തോന്നുന്ന ചില പിഴവുകളായിരിക്കും പലരുടെയും കരിയറിൽ വലിയൊരു ബ്ലാക്ക്മാർക്ക് വരുത്തുക.
ജോലിയിലായാലും ജീവിതത്തിലായാലും നിതാന്ത ശ്രദ്ധയും ജാഗ്രതയും പുലർത്തേണ്ടത് അത്യാവശ്യമാണ്.
പിഴവുകളില്ലാതെയും കൃത്യമായും ജോലി ചെയ്യുക എന്നതാണ് ജീവനക്കാരിൽ നിക്ഷിപ്തമായ കർത്തവ്യം.
സൂക്ഷ്മമായ കാര്യങ്ങളിലുള്ള ശ്രദ്ധക്കുറവാണ് പലർക്കും വിനയാകുന്നത്.
ജോലി അല്ലെങ്കിൽ പ്രോജക്ട് ചെറുതോ വലുതോ ആയാലും എല്ലാ വശങ്ങളും ശ്രദ്ധിക്കാൻ കഴിയണം.
ഏറ്റവും സൂക്ഷ്മമായ കാര്യങ്ങളിൽ പുലർത്തുന്ന ശ്രദ്ധയാണ് ജീവനക്കാർക്കു കരുത്താകുന്നതും ഉയർന്ന പദവികളിലേക്കു നയിക്കുന്നതും.
ജോലിയിലുള്ള സമർപ്പണമാണ് സൂക്ഷ്മമായ കാര്യങ്ങളിൽപ്പോലും ശ്രദ്ധിക്കാൻ ജീവനക്കാരെ സഹായിക്കുന്നത്.