ആകാശം വിറപ്പിക്കുന്ന ലാമർഗിർ ഭീകരൻ

വടക്കേ അമേരിക്കയിലെ റാപ്ടറുകളുമായൊക്കെ താരതമ്യപ്പെടുത്താവുന്ന പക്ഷികളാണ് ഇവ. വെളുത്ത തലയുള്ള ഈ കഴുകന് മൂർച്ചയേറിയ കണ്ണുകളുണ്ട്. കണ്ണിനു ചുറ്റുമുള്ള ഓറഞ്ച് നിറത്തിലെ വലയം ഇവയുടെ സവിശേഷതയാണ്. മുഖത്തുള്ള കറുത്ത തൂവലുകൾ ഇവയ്ക്കു ഗംഭീരമായ പരിവേഷം നൽകുന്നു.

ഇരുമ്പ് അംശം കൂടുതലുള്ള മണ്ണിലും ലവണാംശമുള്ള അരുവികളിലുമൊക്കെ ലാമർഗിർ കുളിക്കാറുണ്ട്. ഇതുമൂലം ഇവയുടെ തൂവലുകൾക്ക് ഒരു ഓറഞ്ച് ഛവി പടരും. ഇതും ലാമർഗിറുകൾക്കു പ്രത്യേകമായ ഒരു ലുക്ക് നൽകും.

ബാക്ടീരിയ ബാധകളിൽ നിന്നു ലാമർഗിറുകളെ രക്ഷിക്കാനും ഈ കുളി സഹായകമാണ്. ആഫ്രിക്ക, യൂറോപ്, ഏഷ്യ എന്നിവിടങ്ങളിൽ ലാമർഗിറുകളെ മുൻപ് സാധാരണമായി കാണാമായിരുന്നു. എന്നാൽ ഇന്നു പലയിടത്തും ഇവ വംശനാശം മൂലം അപ്രത്യക്ഷമായി.ആറടിയിലധികം പൊക്കം! ലോകത്തെ ഏറ്റവും ഉയരമുള്ള പോത്ത് തായ്‌ല

എല്ലുകൾ ഭക്ഷിക്കാനാണ് ലാമർഗിറിന് ഏറ്റവും പ്രിയം. ഇവയുടെ ഭക്ഷണത്തിന്റെ 85 മുതൽ 90 ശതമാനം വരെ അസ്ഥികളാണ്. ഇവയുടെ കാലുകൾ എല്ലുകൾ പൊട്ടിച്ച് മജ്ജ ഭക്ഷിക്കാൻ ഇവയെ അനുവദിക്കുന്നു. ഇത്രയും കട്ടി ഭക്ഷണം ദഹിപ്പിക്കാനായി അതീവ വീര്യമുള്ള ആസിഡും ഇവയുടെ വയറ്റിലുണ്ട്.

തങ്ങൾക്ക് ഒറ്റയ്ക്കു തകർക്കാനൊക്കാത്ത വലിയ എല്ലുകൾ കിട്ടിയാൽ അതു തകർക്കാനും ലാമർഗിറുകളുടെ കൈവശം വിദ്യയുണ്ട്. ഉയരത്തിൽ ചെന്നശേഷം പാറക്കല്ലിലേക്ക് എല്ലുകൾ ഇടുകയാണു ചെയ്യുക. അങ്ങനെ തകരുന്ന എല്ലുകളിലേക്കു ലാമർഗിറുകൾ പറന്നെത്തി ഭക്ഷിക്കും