മിനുങ്ങും മിന്നാമിനുങ്ങായി മലയാളി മനസ്സിലേക്കു പറന്നിറങ്ങിയ കുഞ്ഞു താരം മീനാക്ഷി അനൂപിന്റെ യാത്രകളിൽ കൂട്ടുകൂടാനെത്തിയതാണ് എംജിയുടെ ഇലക്ട്രിക് വാഹനമായ കോമറ്റ്
കാഴ്ചയിൽ കൗതുകം തോന്നുന്ന കുഞ്ഞൻ ഇവിയ്ക്കായി താരം തിരഞ്ഞെടുത്ത നിറം മഞ്ഞയാണ്.
ചെറിയ വാഹനമാണെങ്കിലും സൗകര്യങ്ങൾ ഒരുപാടുണ്ട്, എബിഎസ്, എയർബാഗ് പവർ വിൻഡോ, ഹിൽ ഹോൾഡ് അസിസ്റ്റൻറ്, അങ്ങനെ ഈ കാറിൽ ഉൾക്കൊള്ളിക്കാവുന്ന എല്ലാ സൗകര്യങ്ങളും കോമറ്റിൽ കാണാം
നാലു പേർക്കു യാത്ര ചെയ്യാമെങ്കിലും രണ്ടു ഡോറുകളാണുള്ളത്.
ഒരു സെവൻ സീറ്റർ വാഹനത്തിൽ കയറുന്ന പോലെ സീറ്റു മടക്കി വേണം പിന്നിലേക്കു കയറാൻ.
ഡ്രൈവിനായി മൂന്നു മോഡുകളാണുള്ളത്. എക്കോ, നോർമൽ പിന്നെ സ്പോർട്സമോഡ്.
ടോപ് വേരിയന്റിലാണ് ഫാസ്റ്റ് ചാർജിങ് വരുന്നത്.
ഏഴു മണിക്കൂറോളം വേണം വാഹനം ഫുൾ ചാർജ് ആകാൻ.