കേന്ദ്ര ബജറ്റിൽ സ്വർണത്തിന് 15 നിന്ന് 6 ശതമാനത്തിലേക്കു നികുതി കുറച്ചത് നേരിട്ടു ദുബായ് വിപണിയിൽ പ്രതിഫലിക്കും.
ഇന്ത്യയിലേതിനെക്കാൾ 5 ശതമാനം വരെ വിലക്കുറവിലായിരിക്കും ദുബായിൽ സ്വർണം ലഭിക്കുക.
യാത്രാ, താമസ ചെലവുകൾ കണക്കാക്കുമ്പോൾ സ്വർണം വാങ്ങാൻ മാത്രമായി ദുബായിലേക്കു വരുന്നത് ലാഭകരമാകില്ല.
വിനോദ സഞ്ചാരത്തിന്റെ ഭാഗമായി രാജ്യം സന്ദർശിക്കുന്നവർക്ക് കുറഞ്ഞ ചെലവിൽ സ്വർണം വാങ്ങാൻ ദുബായ് തന്നെയാണ് മികച്ച ഓപ്ഷൻ.
സന്ദർശക വീസയിൽ എത്തുന്നവർക്ക് നികുതിയില്ലാതെ സ്വർണം വാങ്ങാം.
ഇന്ത്യയിൽ 15% നികുതിയുണ്ടായിരുന്നപ്പോൾ ആയിരക്കണക്കിന് ആളുകളാണ് സന്ദർശക വീസയിൽ യുഎഇയിൽ എത്തി സ്വർണം വാങ്ങിയിരുന്നത്.