സില മുതൽ ഫുജൈറ വരെ യുഎഇയിൽ ഉടനീളം 11 നഗരങ്ങളെയും പ്രദേശങ്ങളെയും ബന്ധിപ്പിക്കുന്നതാണ് ഹൈടെക് പാസഞ്ചർ റെയിൽ സർവീസ്.

അബുദാബി – ദുബായ് 57 മിനിറ്റും അബുദാബി-റുവൈസ് യാത്രയ്ക്ക് 70 മിനിറ്റും അബുദാബി-ഫുജൈറ യാത്രയ്ക്ക് 105 മിനിറ്റും മതി.

കാറിൽ രണ്ടു മണിക്കൂറോളം എടുത്തിരുന്ന യാത്രാ സമയം പകുതിയായി കുറയും.

സിൽവർ, ഗ്രേ നിറത്തിലുള്ള കോച്ചിൽ വിമാനത്തിന് സമാനമായ സീറ്റാണുള്ളത്.

രണ്ടു നിരയിൽ ഇരു വശങ്ങളിലുമായി 4 പേർക്ക് (2+2) ഇരിക്കാവുന്ന വിധമാണ് സീറ്റ്.

എത്തുന്ന സ്ഥലം, സമയം എന്നിവയെക്കുറിച്ച് സ്ക്രീനിൽ നിന്ന് തത്സമയം അറിയാം.

തലസ്ഥാന നഗരിയിൽനിന്ന് 3 പ്രധാന റൂട്ടുകളിലേക്കെടുക്കുന്ന സമയം പ്രഖ്യാപിച്ചെങ്കിലും യാത്രാ തീയതി വെളിപ്പെടുത്തിയിട്ടില്ല.