മാങ്ങ പോലുള്ള പഴങ്ങൾ തൈരിനൊപ്പം കഴിക്കാൻ പാടില്ല. ഇത് ഒരേസമയം ശരീരത്തിൽ ചൂടും തണുപ്പും ഉണ്ടാക്കും. ശരീരത്തിൽ വിഷാംശം ഉൽപാദിപ്പിക്കുകയും ചെയ്യും.
രാത്രി തൈര് കഴിക്കാൻ പാടില്ല. പ്രോട്ടീൻ ധാരാളമടങ്ങിയ തൈര് കഫക്കെട്ട് ഉണ്ടാക്കും. പഴങ്ങളിൽ അടങ്ങിയ പഞ്ചസാരയിൽ പ്രവർത്തിക്കുന്ന ബാക്ടീരിയ തൈരിലടങ്ങിയിട്ടുണ്ട്. ഇത് ജലദോഷം, അലർജി, ടോക്സിൻ ഇവയെല്ലാം ഉണ്ടാക്കുന്നു
തൈരിൽ ഉള്ളി ചേർത്ത റെയ്ത്ത ഇഷ്ടമാണെങ്കിൽ ആ ശീലം മാറ്റുന്നതാകും നല്ലത്. തൈര് തണുപ്പാണ്. എന്നാൽ ഉള്ളിയാകട്ടെ ശരീരത്തെ ചൂടാക്കും. ചൂടും തണുപ്പും കൂടി ചേരുമ്പോൾ ഇത് ചർമത്തിൽ അലർജി പ്രശ്നങ്ങളായ ചുവന്ന പാടുകൾ, സോറിയാസിസ്, എക്സിമ ഇവയ്ക്കു കാരണമാകും
തൈര് മൃഗങ്ങളുടെ പാലിൽ നിന്ന് എടുക്കുന്നതായതിനാൽ നോൺവെജിറ്റേറിയൻ ഭക്ഷണങ്ങളായ മത്സ്യം, ഇറച്ചി എന്നിവയുടെ ഒപ്പം കഴിക്കരുത്. തൈരും മത്സ്യവും ആരോഗ്യത്തിന് നല്ലതാണ്. എന്നാൽ ഈ രണ്ടു ഭക്ഷണവും ചേരുമ്പോൾ അനാരോഗ്യകരമാകുന്നു
തൈരും പറാത്തയും മികച്ച കോമ്പിനേഷൻ ആണ്. എന്നാൽ എണ്ണമയമുള്ള പലഹാരത്തോടൊപ്പം തൈര് കഴിക്കാൻ പാടില്ല. ഇത് ദഹനം സാവധാനത്തിലാക്കുകയും ദിവസം മുഴുവൻ മടിപിടിച്ചിരിക്കാൻ തോന്നലുണ്ടാക്കുകയും ചെയ്യും