വേനല്ക്കാലത്ത് നമ്മെ പിടികൂടാറുള്ള രോഗങ്ങളും ആരോഗ്യപ്രശ്നങ്ങളും ഏറെയാണ്
ചെങ്കണ്ണ്, ചിക്കന്പോക്സ് തുടങ്ങിയ വേനല്ക്കാല രോഗങ്ങളും വ്യത്യസ്തങ്ങളായ വൈറല് പനികളും ചൂടുകാലത്ത് കാണാറുണ്ട്. അതുകൊണ്ട്തന്നെ ആരോഗ്യകാര്യത്തില് കൂടുതല് ശ്രദ്ധ കേന്ദ്രീകരിക്കാനുള്ള സമയമാണിത്
വേനല്ക്കാല ഭക്ഷണം മറ്റു കാലാവസ്ഥയിലെ ഭക്ഷണവുമായി തികച്ചും വ്യത്യസ്തമാണ്. താപനില കൂടുന്നതിനാല് നിര്ജ്ജലീകരണത്തിനുള്ള സാധ്യത കൂടുതലാണ്
ദാഹിക്കുന്നതിന് കാത്തിരിക്കാതെ ഇടയ്ക്കിടയ്ക്ക് വെള്ളം കുടിക്കണം. ദിവസം 2 1/2 മുതല് 3 ലിറ്റര് വരെ വെള്ളം കുടിക്കാം
വയര് നിറയെ ഭക്ഷണം കഴിക്കാതെ ചെറിയ ഭക്ഷണം ഇടവേളകളിട്ട് കഴിക്കുന്നതാണ് നല്ലത്. വെള്ളം ധാരാളം അടങ്ങിയ പഴങ്ങളും പച്ചക്കറികളും ദിവസേനയുള്ള ആഹാരത്തില് ഉള്പ്പെടുത്തണം
ചര്മരോഗങ്ങളില് നിന്നും വൈറ്റമിന്റെ അഭാവത്തിലുള്ള രോഗങ്ങളില് നിന്നും രക്ഷനേടാന് പഴങ്ങള് കഴിക്കാം. നാരങ്ങ വര്ഗത്തില്പ്പെട്ട പഴങ്ങള് കഴിക്കാം
വൈറ്റമിനുകളുടെയും ആന്റിഓക്സിഡന്റുകളുടെയും കലവറയാണ് പൈനാപ്പിള്. മാമ്പഴത്തില് ബീറ്റാ കരോട്ടീന്, വൈറ്റമിന് എ, സി എന്നിവ ധാരാളമായിട്ടുണ്ട്. ഇത് വേനല്ക്കാല രോഗങ്ങളെ തടഞ്ഞുനിര്ത്തും. സൂര്യപ്രകാശം കൊണ്ട് ചര്മത്തിനുണ്ടാക്കുന്ന കരുവാളിപ്പ് മാറാന് പപ്പായ സഹായിക്കും
ഇടനേരങ്ങളില് ഒരു പച്ചക്കറി സാലഡ് കഴിക്കുന്നത് നിര്ബന്ധമാക്കണം. അമിതമായി കൊഴുപ്പടങ്ങിയ ഭക്ഷണങ്ങള് കഴിവതും ഒഴിവാക്കണം
ചായ, കാപ്പി എന്നിവയ്ക്ക്പകരം ഫ്രൂട്ട് ജ്യൂസുകളോ ഉപ്പ് കുറച്ച് മാത്രമുള്ള പച്ചക്കറിസൂപ്പുകളോ ഉള്പ്പെടുത്താം. അധികം മധുരമുള്ള പലഹാരങ്ങള്, ഉപ്പ് കൂടുതലുള്ള പലഹാരങ്ങള് എന്നിവ കുറയ്ക്കണം
വേനല്ക്കാലത്ത് വ്യക്തിശുചിത്വം പാലിക്കേണ്ടത് ഏറെ അത്യാവശ്യമാണ്. ദിവസം രണ്ട് നേരം കുളിക്കുന്നത് നിര്ബന്ധമാണ്. അയഞ്ഞ കോട്ടണ് വസ്ത്രങ്ങള് ധരിക്കുക